رامي صبري يكشف تفاصيل ألبومه الجديد

نشر الفنان رامي صبري صورة له من داخل الأستديو عبر حسابه الشخصي على موقع التواصل الاجتماعي إنستجرام، وذلك أثناء إعداده لألبومه الجديد وعلق على الصورة: «بيوصلني مسجات كتير أوي وبشوف كومنتات كتير أوي على أنكم عايزين أغاني هادية كتير... أولاً أنا بعمل أغاني هادية كتير جدًا في كل ألبوم لأني بحبها أولاً وثانيًا عشان عارف أن الجمهور الأكتر بيحب الأغاني الرومانسية والدرامية».

تابع رامي: «لما بيتيجي بتعمل ألبوم بتلاقي إن لازم نعمل كل الأنواع عشان كمان يبقي فيه تنوع أكتر في أشكال الأغاني وعشان الأغاني السريعة تشتغل في حفلات وأفراح ومناسبات والجمهور يسمع الأغاني في كل الأماكن».

اقرئي أيضًا : معز مسعود ينشر صورة برفقة شيري عادل ويكتب عبارة غير مفهومة.. فهل انفصلا؟!

أضاف صبري: «عشان أنا كفنان مصري أقدر أنافس وأكبر اسمي بحتاج نوعية الأغاني السريعة عشان دايمًا الأغاني السريعة هي إللي بتقدر بيها تخلي الناس تفرح أكتر مثلاً ذي آخر أغنية (مبروك علينا)».

واستكمل رامي أن الألبوم القادم يتضمن5 أغاني دراما، وتنوعت التعليقات وكان أبرزها: «أنت عالمي يا رامي واحنا بنحبك وصوت أكتر من روعه مميز في طبقته يعني في فنانين لازم أركز في صوته عشان أعرفه، لكن أنت من مزيكتك أو ما بتبتدي بدون تفكير ده رامي صبري قول واحنا معاك صعود ثم صعود ثم قمه بإذن الله» و«أنت فوق صدقني والله أنت تستاهل كل خير وبحب صوتك في الهادي عشان صوتك حنين جدًا ربنا يحميك ويقويك» و«شخصية محترمة بجد يا رامي ومش واخد حقك أنت تُصنف ضمن كوكبة العمالقة في مصر عمرو دياب وحماقي وتامر حسني أنا بحب كل أغانيك» و«يا رامي أنت وجودك في الحفلات أو الأفراح مش محتاج إنك تمسك مايك أقسم بالله عمومًا أنت وناس قليلة أوي في مصر أي لون في الغنا حلو على صوته ربنا يوفقك».