رانيا فريد شوقي مع شقيقتها الراحلة ناهد - الصورة من حساب رانيا على إنستجرام
رانيا فريد شوقي تعتذر لشقيقتها ناهد .. فماذا حصل بينهما قبل رحيلها!
بعد أيام على رحيلها، وجهت النجمة رانيا فريد شوقي رسالة إعتذار مطولة لشقيقتها المنتجة المصرية الراحلة ناهد فريد شوقي.
رانيا فريد شوقي تعتذر لشقيقتها الراحلة ناهد
حيث نشرت رانيا فريد شوقي من خلال صفحتها الشخصية على موقع الصور والفيديوهات "إنستجرام"، صورة جمعتها بشقيقتها وعلقت عليها قائلة :" للأسف بنعتاد الأحباب في حياتنا كأنهم خالدين في الدنيا زي ما نعتاد النعم كأنها مستمرة الي الأبد و ده من عيوب البشر".
وأضافت :" أختي الحبيبة الغالية ناهد انا بعتذر لك لأني اعتدك في حياتي يمكن خيالي كان اضعف من إني اتصور فراقك يمكن خدتنا مشحانات الدنيا و ربنا نور بصيرتنا و رجعنا لحضن بعض و الحب اللي اتربينا عليه و حبنا لبابا كان دايما بيجمعنا يمكن لاني تنسيت اننا بنكبر كلنا و العمر بيخلص يمكن لأني جيت الدنيا لقيتك اختي الكبيرة القوية العنيدة اللي ماتعرفش حاجة اسمها استسلام و ارادتها من حديد".
وتابعت : "قوتك كانت بطمني عليكي انا مش عارفه انا بكتب ايه بس اللي حساه اكبر بكتير من أي كلام مازلت مش مستوعبه و لما حد بيقول الله يرحمها بتخض".
وأكملت : "في الفترة الأخيرة كنت بشوف فيكي بابا بكل حركاته و طريقة كلامه و نظراته و هزارك و قولت للاحفاد اللي ماشفوش جدهم ناهد بقت نسخه من جدكم لما تشفوها كأنكم شفتوه سبحان الله و الغريب اني من الشخصيات اللي بتخاف تدخل علي حد متوفي لانه بيبقي آخر انطباع بيفضل في الذاكره عن الشخص لكن لما دخلت و شوفت وشك مبتسمه كأنك نايمة و بتحلمي حلم جميل حسيت انك شوفتي فريد ابنك بيستقبلك و خدك لحبايبك بابا و طنط هدي و مها أختنا ده تفسيري لابتسامتك الهادية الجميلة الواضحة اوي اللي هونت علينا كلنا فراقك و اللي مش هتفارقني اللي باقي من عمري".
واختتمت : "كنتي راضية بكل اقدار الله و مسلمه أمرك لله إلي ان نلتقي يا اختي سلميلي علي بابا و قوليله الحياة من غيرك مش حياة و نفسي يجيلي في الحلم بقاله فترة غايب عني هتوحشيني اوي يا حته من ابويا و من قلبي".
وفاة ناهد فريد شوقي
رحلت المنتجة ناهد فريد شوقي عن عالمنا صباح الثلاثاء 5 ديسمبر، عن عمر يناهز الـ 73 عامًا إثر تعرضها لوعكة صحية مفاجئة، وتم تشييع جثمانها فى نفس اليوم بمسجد الشرطة بالشيخ زايد بحضور عدد كبير من نجوم الفن.
إذا أعجبكِ هذا الموضوع اطلعي على لقطات من عزاء المنتجة ناهد فريد شوقي
أضف تعليقا