تفاصيل المفأجأة التي كانت تعدها غنوة لـ أنغام قبل وفاتها بأيام
كشف الشاعر مينا مجدي أن الفنانة الراحلة غنوة سليمان طلبت منه قبل رحيلها كتابة أغنية تهديها لأختها أنغام لتكون بمثابة صلح بينهما وقال مينا عبر حسابه على موقع فيس بوك:
"وحشاني يا أختي جدآ.. وحشتني الذكريات.. مهما الأيام خدتنا.. عمري ما انسي اللي فات.. في بينا حاجات كتيرة.. وانتي يا أختي الكبيرة.. عندي ست البنات" الكلمات، دي جزء من أغنية كتبتها مخصوص بناءً على طلب شخصي من صديقتي الراحلة غنوة محمد علي سليمان، كتبتها علشان تغنيها وتعملها مفاجأة لاختها الفنانة أنغام" .
وتابع مجدي قائلا :": بعد مكالمة طويلة كانت ما بيني وبينها، مكالمة كانت مليانة دموع وحنين لذكرياتها القديمة مع أختها، كل الناس كانوا عارفين أن أنغام وغنوة بقالهم فترة كبيرة قاطعين علاقتهم مع بعض، وبدون دخول في التفاصيل، كان بقالهم سنين لا بيتكلموا ولا بيتقابلوا، وده كان مسبب جرح كبير فى قلب غنوة ، وفى يوم من الأيام كتبت بوست وطلبت فيه من الناس اللي بتتابعني إنهم يعملوا منشن لأكثر حد واحشهم.. واتفاجأت ساعتها لما لقيت غنوة كاتبة اسم أنغام فى كومنت".
وأضاف: في نفس اليوم اتصلت بيها واتكلمنا، وعرفت منها إنها برغم كل الخلافات اللي بينها وبين أختها إلا أنها لسه بتحبها.. بتحبها ومحتاجة لوجودها في حياتها زي زمان ، ووصلنا لنتيجة إني هكتبلها أغنية تقدمها مفاجأة وهدية لأنغام، علشان يرجعوا لبعض تاني ويدوب ما بينهم أي زعل.. وفعلا الأغنية اتلحنت وسمعها والدها وأشاد بها".
وأكمل قائلا: لكن فجأة ماتت غنوة، ماتت وهي لسه في عز شبابها من غير أي مرض أو سابق إنذار.. واستقبلت أنغام الخبر بصدمة كبيرة وحزن عظيم، إمبارح كنت بتفرج علي برنامج ريهام سعيد وكانت في لقاء مع والدة غنوة، سألتها عن رد فعل أنغام لما عرفت خبر موتها، قالت بدموع: أنغام فضلت معاها وهما بيغسلوها، ونزلت عند رجلي تعيط وطلبت مني إنها تدفن أختها في القبر بتاعها.
يذكر أن مصادر مقربة من أنغام اكدت أنها صالحت أختها قبل وفاتها بعدة أشهر بعد لقاءهما في منزل الوالد الموسيقار محمد علي سليمان حيث ذهبت أنغام للاطمئنان عليه بعد تعرضه لوعكة صحية.
إقرئي أيضًا:
ابتسام تسكت وسلمى رشيد تردان على هجوم دنيا بطمة
بالصور: أحمد فهمي يهدد بضرب معجب بخطيبته "هنا الزاهد" بـ"الجزمة"
بالصور: هيفاء وهبي مع أختيها هناء وعلياء وتهدّد أصحاب التعليقات المسيئة
سمات :
أضف تعليقا