يسرا: في أول الجواز طبخت لجوزي رز معجن ولم أدخل المطبخ منذ فترة طويلة

حلّت الفنانة يسرا ضيفة على برنامج "سهرانين"، الذي يقدمه الفنان أمير كرارة على قناة ON، لتتحدث عن بعض المواقف من حياتها الشخصية والمهنية.

 

 

 

 

أوضحت يسرا خلال اللقاء أنها تجيد الطبخ، لكن في بداية زواجها لم يكن الأمر كذلك لأنها كانت قد توقفت عن الطبخ لفترة طويلة، مضيفة: "أول يومين كده اديتوا شوية رز معجن حلوين، وقولتله أنا قاصده يطلع بالشكل ده، بس في الحقيقة أنا مكنتش قاصدة.. لكن أنا بطبخ هايل، بس كان بقالي كتير جدا وقتها مدخلتش المطبخ.. كمان المحاشي بحبها بس مبعرفش اعملها، الملوخية بتاعت سعدية دي عمري ما عرفت اعملها، بس بعرف اعمل الملوخية البوراني".

 

 

 

 
"مابعرفش أعمل ملوخية زي سعدية".. شوف طريقة يسرا في الملوخية

"مابعرفش أعمل ملوخية زي سعدية".. شوف طريقة يسرا في الملوخية البوراني 👩🏼 #سهرانين #ON Amir Karara | Youssra

Posted by ‎سهرانين‎ on Saturday, February 27, 2021

 

 

 

وعن كواليس مشاركتها في أغنية "3 دقات"، التي حققت نجاحا كبيرا خلال السنوات الماضية، أشارت يسرا إلى أنها كانت قد قررت الاعتذار عنها قبل أن تستمع للحن والكلمات، قائلة: "كنت رايحة أعتذر عن 3 دقات، مش رايحة اسمع، سيف الشواربي كلمني قال لي أبو عايزك. قلت له هو أبو مين؟  قال لي أبو ده فنان فقلت له طيب أنا مش عارفاه".

تابعت: "المهم روحت وأنا ناوية اعتذر، لكن لما سمعت قولتله هات المايك وسجلت خلال ساعة رغم إن كان بقالي حوالي سنتين مبغنيش، واتضح إن تامر حبيب كاتب الكوبليه بتاعي تحديدا. عمرو دياب قالي دي من أحلى الأغاني اللي بحبها ولما أقعد معاه أو نروح في حته بيشغلها دايما".

 

 

 

 
يسرا بتحكي قصة أغنية 3 دقات وبداية تعرفها على أبو .. "ده انا كنت رايحه اعتذر"

يسرا بتحكي قصة أغنية 3 دقات وبداية تعرفها على أبو .. "ده انا كنت رايحه اعتذر" 😍😍 #سهرانين Amir Karara | Youssra

Posted by ‎سهرانين‎ on Saturday, February 27, 2021

 

 

 

وعن معاناتها مع مواقع التواصل الاجتماعي، لا سيما بسبب التنمر، أكدت يسرا أن هذه المواقع أصبحت وسيلة للإيذاء وإبعاد الناس عن بعضهم البعض، وتحتاج لتوازن دقيق من الإنسان في استخدامها، قائلة: "طبعا بنبسط لما بقرأ تعليقات حلوة، كلنا بننبسط، إنما تلاقي واحد تاني داخل يشتم وبس، من باب اللي هو ضايقته ونرفزته وريني هترد ازاي، بس برضو مبردش.. أنا بشتري دماغي أوي ومبقفش عند الحاجات دي، لأن حواليا حب من ناس كتير وبعرف أحب الناس".

 

 

 

 
رد #يسرا و #الشرنوبي على إزاي بيتعاملوا مع السوشيال ميديا والتعليقات السلبية 👇😇

رد #يسرا و #الشرنوبي على إزاي بيتعاملوا مع السوشيال ميديا والتعليقات السلبية 👇😇 #سهرانين Amir Karara | Youssra | Mohamed El Sharnouby - محمد الشرنوبي

Posted by ‎سهرانين‎ on Saturday, February 27, 2021

 

أضف تعليقا