فتاة تتهم حماة محمد حماقي بالاعتداء عليها في الساحل الشمالي

اتهمت فتاة تدعى زينة محسن، عبر حسابها الشخصي بموقع التواصل الاجتماعي فيسبوك، حماة الفنان محمد حماقي، بالاعتداء عليها وسبها هي وعائلتها خلال وجودها على أحد شواطئ قرية سياحية في الساحل الشمالي، بسبب انزعاج حماقي وزوجته من وجود أفراد يجلسون إلى قربهم.

وكتبت زينة محسن عبر حسابها على فيسبوك: «إمبارح حصل معايا موقف غريب، كنا رايحين أنا وأهلي إحدى القرى السياحية بالساحل، وكان معايا واحد من صحابي مالك من القرية وقاعدين على البحر، واضطر هو يروح يعمل حاجات في الوقت ده لقينا (محمد حماقي وزوجته) قاعدين جنبنا، وبعد شوية مشيوا، الموقف كان عادي لحد دلوقتي».

اقرئي ايضا : هل تورط احمد حلمي في الكشف عن تفاصيل دوره في فيلمه الجديد؟

وأضافت: «بعد كدة مرة واحدة لقينا راجل أمن ومعاه اتنين أو تلاتة بيطلبوا منا نسيب الشمسية، مع العلم إن كنا قاعدين تحت شمسية الزوار، وفجأة لقينا ست كبيرة جاية من بيتها ما كانتش قاعدة على البحر وبتتكلم معانا بطريقة غير لائقة وبتقلنا ما ينفعش تقعدوا هنا، وبتسألنا إنتو تبع مين، مع العلم إنه إحنا اديناها اسم المالك ورقم الفيللا، وقعدت تقول إنها من مجلس الإدارة وبتقدر تمشي الزوار تبع الفلل، وتقول إنه كل الناس اللي قاعدة على البيتش زي سيدي بشر، وحصل تفاصيل كتير تطاول وسب وحتى بعد ما تكلمت مع المالك ما فكرتش تيجي تعتذر ومشيت على طول على بيتها، وفي الآخر بنكتشف إنها حماة محمد حماقي (فاطمة درة)، كانت عاوزة تفضليه البيتش، مع العلم إنه المكان اللي كنا فيه كان فاضي».

وتابعت: «ملخص الكلام إنه مش من الطبيعي عشان فيه ناس قاعدة جنب مغني، إن مراته يكون لها الحق تكلم مامتها عشان تيجي مخصوص ليا أنا وعائلتي تتكلم معانا عشان نمشي، وده عيب أوي ومش من الذوق والاحترام، طريقة تعامل الفنانين مع الناس مرفوضة، مع العلم إنه الناس هي اللي خلتهم فنانين وعملتلهم قيمة».

اقرئي ايضا : ابنة هند رستم: حزنت على مشاركة والدتي بطولة هذه الأفلام

واختتمت البوست قائلة: «كده كتير تلطيش من حماقي وعسيلي».