نجمة أراب أيدول تكشف تفاصيل تعرضها للموت !
نشرت نجمة آراب أيدول الفنانة الشابة إيناس عز الدين أول صورة لها بعد إجرائها عملية جراحية لنحت الدهون وأكدت أنها كانت تمر بحالة صحية صعبة تسببت في زيادة وزنها حتى أنها كانت على مشارف الموت وكتبت إيناس معلقة على الصورة التي نشرتها عبر حسابها على إنستجرام : " الصورة اللي على اليمين انا من شهر و وزني زايد جدا بسبب مشاكل كبيرة صحية حصلت لي كانت بتخليني اخد كورتيزون وكانت بتخليني اكل وجبة واحدة في اليوم وده بيضعف مستوى حرق جسمي وكمان كنت حامل واجهضت بسبب ان صحتي ما اتحملتش الحمل وكنت حموت والدهون كانت قافلة الحجاب الحاجز وما كنتش بعرف اتنفس طبيعي وده اثر على ضربات قلبي وكمان الوزن أثر على عظامي بالاضافة انه أثر على شغلي وحياتي وكانت كتير بتجيلي تعليقات مسيئة ومهينة بتخليني اخاف انزل صورة بوزني الحقيقي وكنت دايما بعمل شوية ايديت للصورة قبل ما انزلها وبرضوا كنت بقرا كلام يزعل زي خفي اكل شوية وانتي ضربتي كده ليه وجاموسة وماتيجي تاكلينا احسن وماحدش كان عارف ان صحتي متدهورة لاقصى حد" .
اقرئي أيضًا : شيري عادل تتعرض لحادث سير مروع وأهلها يطالبون جمهورها بالدعاء
وأضافت ايناس :"الصورة التانية اللي على الشمال بالترينينج النهاردة وبعد اسبوع فقط من عملية نحت الدهون واعتقد الفرق واضح مع العلم ان نتيجة العملية مش بتظهر غير بعد ٣ شهور لان الجسم بيبقى محبوس فيه سوايل كتير من العملية وبيبقى فيه تورم شديد جدا وكدمات بالاضافة اني لابسة فوم تحت الهدوم ونافخ جسمي ومع ذلك النتيجة المبدئية واضحة جدا مافيش بطن مافيش ذراعات مافيش ارداف بشكل مبالغ فيه .. تعبت .. اه تعبت وجدا كمان فوق ما اي حد يتصور ٦ ايام الم لا يمكن وصفه كما لو خبطني قطر كسر ضلوعي وجسمي كله اسود من الكدمات وبدعي ربنا المسكن مفعوله ما يروحش ثانية".
اقرئي أيضًا : ريهام سعيد لمحمد رمضان: «لو هموت من الجوع مش عايزة أشتغل معاك»
ونالت الصورة العديد من التعليقات وأبد جمهورها تعاطفهم معها متمنيين لها الشفاء العاجل.
أضف تعليقا