حرب مصطفى قمر وطارق الشناوي مستمرة.. وهذا ما قاله الأخير
كان الناقد طارق الشناوي ضيف الإعلامية أسما إبراهيم في برنامج "حبر سري" وتحدث خلال اللقاء عن أزمته مع الفنان مصطفى قمر.
طارق الشناوي يكشف تفاصيل الأزمة
قال الشناوي "لو أنا حاسس اني مش محايد أو مش متعادل نفسيا مش هكتب لكن غير كدة بقول رأي وممكن حد يكون اساء ليا كثيرا ومش قادر اتحكم في ردود فعلي فمش هدخل الكتابة جزء في دة ومش هكتب عنه".
وتابع "اصعب حاجة لما تتجاهل عمل فني وليس الكتابة السلبية بل عدم الكتابة وكأن شيئا لم يكن دي اصعب حاجة"
وعن مصطفى قمر قال "مصطفى قمر لو عمل فيلم أو أغنية كويسة هكتب عنه، ولن أتحدث عن الكلام اللي قاله عليا أمام القضاء لانه تجاوز في حقي وادعى اشياء لم تحدث، أنا عمري ما التقيت بيه وهو بيقول اني مرة روحتله المكتب ومعايا بنت عايزها تشتغل ممثلة ورفض والكلام دة قاله من سنتين وبعد كدة نسي هو قال ايه وقال مرة تانية اني روحتله البيت ودة محصلش أنا عمري ما التقيت بيه ولم احادثه تليفونيا فهو كاذب".
انتقاد فيلم حريم كريم
وتابع حديثه قائلا "وهو ورط والده في أحد البرامج قال اني ناقم وحاقد وانا تفسيري أن لما بيكون فنان في مرحلة أفول بيبقى صعب عليه يتلقى نقدا لسة كنا بنقول أن كريم عبد العزيز اللي علاقتي بيه كويسة جدا ولما انتقدت فيلم "البعض لا يذهب للبعض مرتين" مزعلش وعمل كدة، لأن جواه قوي على عكس مصطفى قمر هو في حالة أفول واخر حفلة عملها كانت نجوم التسعينيات يعني رايح بالصفة العمرية مش الشخصية فهو في حالة أفول فني ولا يتقبل النقد"
أما فيلمه الأخير فتحدث قائلا "وهو قال اني مشفتش الفيلم وكلهم صدقوه وقالوا كدة لأن أنا مبحضرش عروض خاصة وانا بعتقد أن الناقد أو الصحفي اللي بيحضر عروض خاصة بيرتكب خطأ لكن أنا السينما جمب بيتي وبتفرج على الفيلم مع الجمهور العادي مش جمهور العروض الخاصة اللي بيكون موجود علشان يجامل وانا في السنوات الأخيرة بطلت اروح عروض خاصة ودة اللي خلاه يقول اني مشفتش الفيلم"
أنهى طارق الشناوي حديثه قائلا "أنا بنقد نقد لاذع ودة جزء من اسلوب التناول".
إذا أعجبك الموضوع اقرأ أيضا مصطفى قمر يحيي حفل غنائي ضمن احتفالات أكتوبر
أضف تعليقا