كريم عبد العزيز يروي فترة مرضه: حاولت أهرب من المستشفى

حكى الفنان كريم عبد العزيز عن فترة صعبة مر بها عندما اكتشف إصابته بـ9 جلطات في الرئة أثناء رحلته في إنجلترا وأخبرته الطبيبة إنه سوف يموت.

أزمة كريم عبد العزيز الصحية 

وذلك خلال لقائه ببرنامج "sold out" مع الإعلامي محمود سعد قال كريم عبد العزيز: "أنا عامل لوالدتي تأمين صحي وكنت مسافر في إنجلترا وكانت والدتي تعبانه وهتعمل عملية، فجأة لقيت آلام غير طبيعية في صدري افتكرته برد ودهنت "فيكس وأبو فاس" وبعدها عملت أشعة ومشيت، فوجئت تاني يوم برسايل بيطلبوا أني أروح للمستشفى فورا وأنا مش حاسس بحاجة، وصلت لقيت ناس واقفة مستنياني وبيسألوا إزاي واقف على رجلي، وقتها كان عندي 36 سنة دخلت الأوضة مع الدكتورة وقالتلي أنا أسفة لكن دا الطب ولازم أقولك "You will die" إنت هتموت".

@watchit دهنت فيكس و أبو فاس ودخلت للدكتورة قالتلي You will die قلتلها دي die غير اللي نعرفها؟! 😂😂 اتفرج على Sold Out Interviews من أعمال WATCH IT الأصلية حصرياً على #WATCHIT العرض بقى الضعف 🤩 .. اشترك الآن بخصم 50٪؜ مدى الحياة على كل اشتراكات البريميم السنوية والشهرية برومو كود: DV-50%@W هذا العرض ساري من خلال الموقع الالكتروني #soldout #whattowatch #كريم_عبدالعزيز #كريم_عبد_العزيز ♬ original sound - WATCH IT

وتابع كريم عبد العزيز ليحكي عن رد فعله عندما اخبرته الطبيبة بهذه الجملة قائلا: "لأول وهلة قعدت أقول هو في die جديدة في الإنجليزي كان عندي 9 جلطات في الرئة، كنت عايز أهرب من المستشفى وطلبت منها إني أروح أشوف ولادي، قعدت في المستشفى 4 أيام في العناية المركزة وكل الأفكار الغريبة كانت في بالي كل اللي بفكر فيه أولادي".

وأكمل كريم عبد العزيز: "قررت أشوف دكتور تاني وفعلا قابلتله وقلت له إني لو قعدت في مستشفى هموت، فضل يسألني إن كنت روحت لدكتور تاني أو مستشفى وأنا أجاوت لأ، مع إن في إنجلترا الشبكة الطبية مربوطة ببعض يعني هو شايف إني دخلت مستشفى لكن كنت بجاوب لأ، لحد ما سألني بشتغل إيه قولت له ممثل ومش عايز أقعد في مستشفى، اتفق معايا إني مقعدش في مستشفى وأخدت الأدوية والحقن في البيت".

أحدث أعمال كريم عبد العزيز 

يواصل كريم عبد العزيز تصوير مسلسله الجديد "الحشاشين" والمقرر عرضه في موسم رمضان 2024، تأليف عبد الرحيم كمال وإخراج بيتر ميمى.

المسلسل يشارك في بطولته فتحى عبد الوهاب، ميرنا نور الدين، أحمد عيد، إسلام جمال، نيقولا معوض، سامى الشيخ، عمر الشناوى، نور إيهاب، سوزان نجم الدين، ياسر علي ماهر، بالإضافة إلى عدد من الفنانين ضيوف شرف سيتم الإعلان عنهم خلال الفترة المقبلة .

إذا أعجبكِ هذا الموضوع اقرئي أيضًا حقيقة الخلاف بين محمد إمام وكريم عبد العزيز .. ما القصة!