صورة لأشرف مصيلحي عبر فيس بوك
"عارف إنك هتسمعني" .. رسالة مؤثرة وحزينة لنجل أشرف مصيلحي
تحدث نجل الفنان الراحل أشرف مصيلحي، عن والده في رسالة مؤثرة ومبكية وذلك عبر صفحته الرسمية على موقع الصور والفيديوهات الشهير "إنستجرام".
وكتب نجل أشرف مصيلحي عبر صفحته على إنستجرام: الله يرحمك يا أطيب وأجدع وأحن أب في الدنيا و كان نفسي تكون موجود و شايف حب الناس وروحك الحلوة الموجودة في كل حد فينا وتشوف الناس كلها بتقول عليك إيه من أصغر واحد لحد أكبر واحد.
رسالة نجل أشرف مصيلحي
وأضاف: وأنا فعلًا مش فاكر ولو مرة واحدة انت عملت حاجة ضايقتني أو حتى شدينا مع بعض زي أي أب وابنه و ده عشان إحنا كنا صحاب وكنت بتفهمني وعارف دماغي وأنا عارف إنك دلوقتي مرتاح أكتر بكتير وأكيد مبسوط وأنت شايفنا كلنا متجمعين وحاسس أكيد بكل المحبة اللي كانوا موجودين اليومين دول وهيفضلوا موجودين على طول.
وتابع: ودلوقتي أنا هعرف اتكلم معاك و عارف إنك هتسمعني يمكن أكتر من آخر فترة كنت موجود وسطنا عشان كنت تعبان فمش بعرف أتكلم معاك بس أنا عايزك تعرف إني بحبك اوي وهفضل شايل اسمك وأنا فخور إنك أبويا لحد لما أجيلك ان شاءالله. بجد بحبك أوي يا بابا و عارف إنك أكيد في الجنة ان شاءالله.
وفاة الفنان أشرف مصيلحي
وكانت منال الصيفي زوجة الراحل أشرف مصيلحي، انهارت خلال استقبال مراسم العزاء الذي أُقيم الأثنين الماضي، وسط تواجد عدد من نجوم الفن والأصدقاء، ومنهم ماجدة زكى، ونهال عنبر وحمادة هلال ولبلبة وإلهام شاهين وأحمد سعيد عبد الغني وأسامة منير، الفنان يوسف الشريف وزوجته، والدكتور أشرف زكي نقيب الممثلين وماجد المصري وسلوى محمد علي وأحمد الشامي والمخرج خالد جلال.
إذا أعجبكِ هذا الموضوع إقرئي أيضًا أنهيار زوجة أشرف مصيلحي أثناء تشييع جثمانه
أضف تعليقا