الصورة من حساب سوسن بدر على إنستجرام
حفيدة سوسن بدر تخطف الأنظار بجمالها .. فهل تشبهها!
خطفت حفيدة الفنانة المصرية سوسن بدر الأنظار إليها خلال آخر إطلالة لجدتها عبر مواقع التواصل الاجتماعي.
ونشرت الفنانة سوسن بدر صورة عبر حسابها بـ"إنستجرام" رفقة حفيدتها، التي بدت ملامحها مشابهة لجدتها بحسب تعليقات المتابعين.
وعلقت "سوسن" على الصورة بقولها: "أنا وملك روحي.. حفيدتي".
وحظيت الصورة بتفاعل واسع من جانب متابعي النجمة المصرية، من بينهم الفنانتان عبير صبري وهيدي كرم، فيما لم تخرج تعليقات المتابعين عن إطاري المدح والإشادة.
مساحة الحرية والإبداع
من جانب آخر قالت الفنانة سوسن بدر: "نفسي أشوف مساحة حرية أكبر في الدراما والإعلام، مفيش حاجة اسمها ما يبقاش فيه سقف، الصح والغلط ليهم سقف لكن فيه فرق بين السقف اللي نازل أوي والسقف العالي شوية فنعرف نفكر".
سقف الحرية الفنية
وأضافت خلال لقائها ببرنامج "أسرار النجوم" المذاع على إذاعة "نجوم إف إم": "طول ما السقف عمال ينزل وأنا متأكدة إن ما اتقالش لحد ما تتكلمش في حاجة بل بالعكس احنا اللي بقينا خايفين نتكلم مش علشان حاجة معينة ولكن بسبب السوشيال ميديا".
وتابعت: "نفسي يبقى فيه مساحة حرية والحرية لازم يتلازم معاها شجاعة وقوة علشان نعمل فن مختلف وإلا الفن هيفضل يدور في 2 سم وغيرنا بقى عنده 10 آلاف ميل بيدور فيهم، الآخر بيعمل واحنا مش عارفين ونرجع نقول ليه لأ احنا دولة رائدة والريادة محتاجة حرية وشجاعة".
موضوعية الإعلام
وأكملت: "في الإعلام نفسي أشوف موضوعية نتكلم باللي لينا واللي علينا ولكن مش طول الوقت الإعلام بيتعامل مع الناس بشكل ما فيهوش موضوعية لا موضوعية، لا قدم لي يا حبيبي الحكاية بشكل موضوعي بالحلو اللي فيها والحلو اللي مش فيها طول ما فيه رأي ورأي آخر هيبقى فيه دولة وفن وإعلام وكل حاجة ونجاح".
في نفس اللقاء، قالت الفنانة سوسن بدر: "لقبت بنفرتيتي السينما من أيام المخرج شادي عبد السلام واحنا بنحضر فيلم إخناتون، وما كنتش عارفة أهمية الاسم فرحت باللقب زي الشحرورة ودلوعة السينما، وقتها ما كانش حد لسه يعرفني بس لما كبرت عرفت أهمية اللقب".
إذا أعجبكِ هذا الموضوع إقرئي أيضًا : بأجواء إسبانية … بوسي وسوسن بدر ونبيلة عبيد في حفل عيدميلاد بوسي شلبي بدبي
أضف تعليقا