تامر حسنى يستعين بياسمين عز.. ما السبب!

استعان الفنان تامر حسنى بالإعلامية ياسمين عز فى إحدى فيديوهاتها للدفاع عن فيلمه الأخيرة "تاج" والذى تعرض للهجوم مؤخرًا.

وجه تامر رسالته عبر خاصية ستوري بحسابه الشخصي على موقع الصور والفيديوهات "إنستجرام" وقال "زمن غريب والله بنلوم المجتهد اللي بيألف وبيخرج وسايبين الكسلان وضعاف النفوس يكفيني شرفًا أن فيلم بحبك صاحب أعلى إيرادات في تاريخ السينما العربية دوليًا".

الصورة من حساب تامر حسني على إنستجرام 

وأضاف تامر حسني" فيلم تاج تم بيعه بنجم شباك 1 مش تجميعة نجوم، ودي حاجة تحسب للفيلم وبعملها كل سنة الحمد لله، وکونه نوع جديد للسينما العربية يحسب للفيلم برضه، الفيلم الحمد لله تم توزيعه النهاردة عالميًا أكيد دي حاجات بتزعل بعض ضعاف النفوس.. ولكن واقعها على الناس العقلاء جميلة اللي بيتمنوا الخير لابن بلدهم اللي حاجة زي كده بتشجعهم إن مفيش مستحيل ولا يمكن نبقى حافظين مش فاهمين".

ووجه تامر حسنى كلامه بياسمين عز "أحب أطمنك يا ياسمين إنه لا يصح إلا الصحيح وخلي بالك الجمهور ذكي جدًا ويمكن بسبب الحملات الساذجة دي الجمهور زاد طلبه على الفيلم لإن الحملات زادت فضول الناس إنها تروح الفيلم عشان تحكم بنفسها، ولما راحوا عجبهم الفيلم بدليل إيراداته الضخمة".

إذا أعجبكِ هذا الموضوع اقرئي أيضًا رسالة رومانسية من بسمة بوسيل لتامر حسني.. هل عادت لعصمته؟