دانا حمدان : أهلي طردوني من المنزل .. لهذا السبب!

قالت الفنانة دانا حمدان:"أهلي طردوني من البيت بسبب الكلاب، أنا مرتبطة جدا بكلابي فخيروني بين بقائي في البيت بدون الكلاب أو طردي فاخترت الطرد مع الكلاب".

 وأضافت خلال لقائها ببرنامج "الستات" الذي تقدمه الإعلامية سهير جودة بقناة "النهار":"نقلت لبيت قريب من أهلي وانعزلت عنهم علشان أفضل مع الكلاب، هما بيحبوا الكلاب بس الدوشة أزعجتهم".

ولفتت:"يهمني جدا الراجل اللى هتجوزه يكون بيحب كلابي، علشان ميحصلش مشكلة، أنا مش هاخد راجل علشان انكد عليه أو أضايقه".

وأكدت:"أنها ترفض الزواج من رجل أصغر منها علشان أنا عقليتي أكبر من سني بكتير، أنا دلوقتي 46 سنة مينفعش اخد واحد في في التلاتينات لإن هيبقى فيه فجوة في التفكير والنضج".

في نفس اللقاء، كشفت الفنانة دانا حمدان، تفاصيل تعرضها للتحرش الجنسي من طبيب العائلة، قائلة: "واقعة التحرش دي حصلت لي وأنا عمري 14 سنة لكن لما بفتكرها أشعر كأنها حدثت بالأمس".

وقالت دانا حمدان: "اتعرضت للتحرش وأنا عندي 14 سنة ورايحة عند طبيب صديق العائلة وأعطيناه الأمان فلما يتحرش بيا عمري ما هنساها وآثارها مش هتروح".

إذا أعجبكِ هذا الموضوع يمكنكِ الإطلاع على دانا حمدان توضح حقيقة دخولها المستشفى بعد وفاة كلبها