بعد نجاح مسلسلها.. منى زكى توجه رسالة إلى فريق عمل "تحت الوصاية"

نشرت الفنانة مني زكي عبر حسابها الخاص بموقع الصور والفيديوهات انستجرام مجموعة صور من كواليس مسلسل تحت الوصاية.

كتبت مني زكي أسفل الصور قائلة "مع انتهاء موسم رمضان حابه أوجه الشكر لجمهوري في مصر والوطن العربي كله على كل التشجيع والحب اللي وصلني منكم.. شكرا لكل شخص أخد من وقته وكتب كلمة حلوة عن مسلسل تحت الوصاية".

تابعت أحب كمان أوجه الشكر لناس كتير جدا بداية من المخرج العظيم محمد شاكر خضير اللي عارف اللي في قلبي تجاهه وقد إيه هو فنان موهوب وعنده رؤية وحساس جدا.. وعلى المستوى الشخصي إنسانيته تفوق أي شيء أنا شوفته قبل كده، أنا بأدين له بكل الفضل على أي حاجة حلوة في المسلسل.

أضافت بشكر المنتج الكبير محمد السعدي وشركة ميديا هب، وخالد وشيرين دياب على الفكرة والموضوع والإبداع اللي مش جديد عليهم وبيبهرونا في كل عمل جديد بمواضيع مهمة وقبل أي حاجة بوجه الشكر طبعا لزمايلي في المسلسل اللي كلهم معجونين موهبة ولولاهم مكنش #تحت_الوصاية ظهر بالشكل ده.. حقيقي هما كتلة من المواهب المتحركة وعاشقين للفن من أكبر حد فيهم لحد البنوتة الصغيرة اللي فاجئتنا كلنا.. وأخيرا مش ممكن أنسى أهالى عزبة البرج وأجدع صيادين في مصر.. واللي حسسوني أني بقيت واحدة منهم طول فترة استضافتهم لينا.

مسلسل تحت الوصاية من الأعمال التي حققت نجاح كبير خلال عرضه في موسم رمضان 2023، خاصة وانه ناقش قضية مهمة خاصة بقانون الاحوال الشخصية.