شيرين عبد الوهاب... تامر حبيب لما شافني عيط وياسمين عبد العزيز قالت عاوزة أديكي قلم

وجهت الفنانة شيرين عبد الوهاب من خلال مداخلة هاتفيه في برنامج كلمة أخيرة مع الاعلامية لميس الحديدي كل الشكر من سأل عنها سواء من أصدقائها الفنانين أو الجمهور.

قالت شيرين عبد الوهاب خلال المداخلة "مش هنسى سؤالك عليا ولا سؤال ناس كتير، زي ياسمين عبد العزيز ومنة شلبي وكل الجمهور"

أعلنت شيرين عن تفاصيل لقاءها مع تامر حبيب، فقالت تامر حبيب شافني في الساحل قعد يعيط نص ساعة.

وروت شيرين عبد الوهاب تفاصيل حوارها مع الفنانة ياسمين عبد العزيز، فقالت ياسمين عبد العزيز وقفت معايا وقفة مش هنساها ربنا يخليها ويبعد عنها العين، قالتلي أنا مش صحبتك أوي بس نفسي أديكي قلم وأقولك فوقي.

كشفت شيرين عن تفاصيل أزمتها الحقيقة مع حسام حبيب فقالت" أنا ست قاعدة في أمان الله مع عيالي بقالنا 4 سنين شايفين الويل سافرنا الساحل لمدة أسبوع علشان ننبسط بناتي نفسيتهم تعبانة وأنا كمان بناتي مبيعرفوش يقعدوا معايا، ظروفي كانت ظروف صعبة عايشة مع زوج مبيشتغلش ومبيخرجش كنت محبوسة 24 ساعة في أوضة نومي مبعملش حاجة قاعدة".

تابعت شيرين كلامها  قاعدة في الساحل لقيت تليفون جالي بسرقة عربية مرسيدس بتاعتي وكانت مكتوبة باسم حسام، سرق العربية وهي باسمه، أنا عندي عربية عاليا أي حد عنده عربية عاليا بيجيب عربية للخروجات الكلاس، جبت عربية مرسيديس قولت يركبها حسام علشان عيب لو وقفه سيادة الضابط في الشارع يوريله الرخص يلاقيها باسم مراته فكان لازم تبقى باسمه جتني ستين نيلة على خيبتي، اتفق معايا بشهود أن في نفس الوقت هيعملي توكيل بالبيع علشان يضمن حقي، وكله طلع كلام في الهواء، دلوقتي بيهددني أن هيعمل محضر ضدي بسرقة العربية.