سعد الصغير باكيا: كنت بموت في المستشفى وربنا أنقذني وعصيته تاني | فيديو

دخل المطرب الشعبي سعد الصغير، في نوبة من البكاء، قائلا: "كنت بموت في المستشفى والدكاترة قالوا مات وقلت يا رب لو قمت من المرض مش هاغني تاني وغنيت، وربنا أنقذني وعصيته تاني ويا رب أتوب".

وتابع خلال الجزء الثاني من لقائه ببرنامج "سابع سما"الذي تقدمه الإعلامية راغدة شلهوب بقناة "النهار":"أقول لربنا انا كل مرة بغلط فبقولك سامحني فأغفرلي يا رب".

وأكمل:"يارب بحق جاه النبي والأيام المفترجة واديني الصحبة الحلوة اللى تخليني أبطل المهنة اللى انا بشتغلها دلوقتي".

وقال المطرب الشعبي سعد الصغير في نفس اللقاء: "أنا مليش تاريخ، ولكن اللي له تاريخ العلماء زي فضيلة الشيخ محمد متولي الشعراوي".

وأضاف: "أنا راجل برقص مع الرقاصات في الكباريهات إزاي يكون ليَّ تاريخ".

وتابع: "سعد الصغير تاريخ العنب العنب وبحبك يا حمار، وعمر كمال أغنية عود البطل، يبقى فين التاريخ، الفنان حسن يوسف عمل أفلام كتير، ولكن لما عمل إمام الدعاة الشيخ الشعراوي اتكتب له تاريخ".