بسبب رامز جلال.. صابرين تهاجم بسمة وهبة: برنامجك مقلب حرامية | فيديو

قالت الفنانة صابرين: "رامز جلال كل سنة كان بيبعت لي وكنت بفقسها وبكتشف المقلب قبل ما أروح، والمرة دي اتاخدت خوانة".

وتابعت خلال لقائه ببرنامج "العرافة" الذي تقدمه بسمة وهبة، المذاع علي قناة "المحور": "ما قررتش خالص إني أروح مع رامز جلال وأنا اتقال لي إنى رايحة أعمل مشهد مع فاندام".

وعلقت بسمة وهبة: "يا صابرين كأنك ما كنتيش عارفة إنك رايحة مقلب مع رامز جلال.. دا احنا في شهر رمضان"، لترد الفنانة صابرين منفعلة: "بقول لك إيه ما أنتِ برنامجك ده مقلب.. هو ده مش مقلب؟ مقلب طبعًا دا مقلب حرامية أساسًا"، لتعقب بسمة: "أنا برنامجي مش مقلب".

وعقبت صابرين: "برنامجك يا بسمة مقلب حرامية ومش عارفة إيه اللى هيحصل فيَّ، أنا ما أعرفش الأسئلة، هو أنتِ اديتيني الأسئلة.. دا أكبر مقلب".