صابرين تكشف تفاصيل مثيرة عن تعرضها لاعتداء من بلطجية وترد على انتقادات حلقة رامز جلال

كشفت الفنانة صابرين خلال حوارها مع الإعلامية بسمة وهبة، مقدمة برنامج "العرافة "، على قناة المحور تفاصيل نجاتها من هجوم بلطجية أثناء تصوير مسلسل حلم الأسمرات، موضحةً: "الموقف ده حصل حقيقي، وكان غلطة مع الإنتاج، لأنه المفروض كان يتفق مع العرب اللي حاميين المنطقة، والناس قالوا له عشان تصور لازم تدفع، لكن الإنتاج مرضاش وقال مش هنصور لكن صورنا، واتضايقوا وأخدوا موقف وجريوا ورانا وكانوا عاوزين ياخدوا الكاميرات، وكنت لوحدي ومكنش في إلا الممثل اللي عامل شخصية السواق، ونزلت لهم وكانوا داخلين علينا بشوم، ومخفتش، وعارفة إن العرباوية مش بييجوا على السيدات نزلت لهم، وقلت لهم عيب، وسّع واتفضل خدوا الكاميرات، خدوا الكاميرات وقلت لهم السلام عليكم وجريت، والمخرج مكانش موجود، وكله اختفى وجري" .
ردت الفنانة صابرين على الانتقادات التي وجهت لها بعد ظهورها في برنامج "رامز موفي ستار" الذي يقدمه النجم رامز جلال، بسبب تعليقاته الساخرة منها قالت صابرين: "يعني إيه قبلت كل التجاوزات من أجل الفلوس؟ إحنا مش بنسمع اللي بيقوله، وقعدت أقوله متذيعش، شاركت في (رامز قلب الأسد)، والأسود كانت بتاعة بنت خالتي فاتن الحلو، وكان أخويا معايا، وكل سنة كان بيبعتلي كنت بفقسها وبعرف، لكن المرة دي اتاخدت خوانة متقالش رامز خالص، لكن اتقال فاندام، وكنت مبسوطة جدًا، إني هعمل حاجة عالمية زي دي، رامز قال عني كوكب شرق التمثيل وأم كلثوم التمثيل، وشكرا، وأنا قابلة كلامه رامز جلال لم يقم بإهانتي ولم يقل أي شيء يدين صابرين قدام عيالي، قال كلام حقيقي، إني سيبت الفن وطبخت وإني زوجة وتخنت، مجابش سيرة جوزي ولا أولادي، وأنا موافقة، وضحكت واتبسطت، رامز صديق ومتشاف، وأول حلقة عملت صدى واسع". وقد دخلت صابرين في نوبة بكاء فور اكتشافها المقلب، وضربت رامز جلال، بسبب ما تعرضت له، من خوف خلال أحداث الحلقة وقالت صابرين لـرامز: "فاندام مين امشي من وشي، مش عاوزاك تغلط فيا وأنت بتقدمني"، ليرد عليها: "محصلش أنا علقت بس على البنطلون".