والد الفنانة ياسمين صبري : بنتي كذابة وكانت فاشلة في التعليم

على خلفية تصريحاتها الأخيرة، رد أشرف صبري، والد الفنانة المصرية، ياسمين صبري، على ابنته، مهاجما إياها بعبارات "حادة" وبعد أن زعمت الفنانة أنها "كانت تعيش حياة بسيطة ولا تشتري ما تريد في طفولتها"، نشر والدها، الدكتور أشرف، على حسابه في "فيسبوك" وكتب عليها معلقًا "هذه هي المدرسة اللي تخرج منها بناتي فواحدة منهن تدعي انها كانت في مدارس عربي وعاشت حياة بائسة فقيرة وانها وصلت بمجهودها! هو الكدب .هل الكذب يصل لهذه الدرجة؟ انا افهم الكدب عندما يكون الفرد  غلبان ويكدب ويقول انا من عيلة كبيرة ومدارس اجنبية وعيشت في قصر وبابي كان وزير وهو يعمل بوظيفة عامل! يكون كذب له مبرر! لكن ان واحدة اتولدت لها شغالة فليبينية ترتدى من باريس لاني كنت اشترى لها ملابسها من هناك ودخلت مدرسة ال EGC ارقي مدارس اسكندرية في وقتها وعاشت في فيلا بحمام سباحة وصالة جيم ولها غرفة خاصة بحمامها"
واضاف متحدثًا عن مستواها الدراسي "كانت متأخرة دراسيا والنجاح تنجح بالعافية بخمسين في المية وكانت تذهب الكلية بالعافية ونظل نوقظها الصبح بالساعة عشان تروح الكلية وتترفد في السنة مرتين وعميدة كلية اعلام بيروت موجودة وتشهد كنت اروح دايما اقدم اعتذارات وشهادات طبية عشان ترجع الكلية وشهاداتها عندي كلها راسب وابوها دكتور."
وتابع والد الفنانة المصرية: "لما الكذب وتأليف هذا الفيلم المتخلف ده..إنتي عايشة دور تمثيل ورثاه من جد والدتك سيد سليمان..وبتكدبي ليه؟ هتحصلى على جائزة منه على خيبتك وفقرك وصلتي وبقيتي نجمه؟ إنتي بالنسبة لأبوكي طفلة مش فاهمة بتعملي إيه غير إنك بتشوهي اللي رباكي عشان الناس تصفق لكي ..حتي أخوكي أهنتيه اللي طول عمره جنبك ويأتي من آخر الدنيا عشانك!"
واختتم منشوره قائلا: "ياشيخة وقفى اللي انتي فيه ده، وحسبي الله ونعم الوكيل فيكي.. وبلاش تجيبي سيرة عيلتك أبوكي اللي رباكي منك لله".
 

 

أضف تعليقا