بعد خلافهما... والد ياسمين صبري ينشر صور زوجها الأول "دودي"

نشر الدكتور اشرف صبري والد الفنانة ياسمين صبري عدد من الصورة لها اثناء حفل خطوبتها الأول على زوجها السابق " دودي" ، كما نشر عدد من الصور لغرفة نومها بالمنزل التي كانت تعيش به مع اسرتها قبل الزواج.

وعلق اشرف صبري قائلا :"بعد ماسمعت اكاذيب بنتي اللي ربيتها في بيتي وكانت صاحبة البيت وعندها شغالة وقدرت تطعن ابوها في ضهره؟"

 

واضاف :"اصدقاءنا كانوا بييجو البيت بيشوفوها ولما كبرت جيبتلها عربية ياريت الناس اللي يعرفونا وجم بيتنا يردوا ويقولوا ياسمين كانت عايشة في بيتي ازاي في كل مراحلها وازاي اتخطبت وعملتلها اجمل حفلة ودي صورها."

 

 

وتابع :"الكدب ده بيبرر بالنسبة لها سبب عدم حضورها فرح اخوها ولو اب اهتم بفرح ابنه وزعلان ان اخواته ماجوش مش حيهتم ببنته؟"

 

 

واوضح :"انا عملت لها حياة كريمة راقية ومحترمة وماكنتش فاكر ان الرد حيكون كده والسر اللي الناس ما تعرفوش انها اتطلقت من الراجل المحترم الدكتور ده بسبب امها لانه حكالي وقالي امها خربت بيتنا."
وانهي حديثه قائلا :"واتجوزت من ورايا وبدون علمي بعد التربية اللي عملتهالها وعشان كده انا مش معترف بجوازها اللي من ورا ضهري ده.. وحسبي الله ونعم الوكيل "