نجوم الفن يدعمون شيرين عبد الوهاب

حرص عدد من نجوم الفن على دعم الفنانة شيرين عبد الوهاب بعد ظهورها الأخير في حفلها بالرياض وفاجأت الجميع بحلق شعرها زيرو أبرزهم:
كتبت نرمين الفقي عبر حسابها على موقع التواصل الاجتماعي «تويتر»: "اول مرة اكتبلك عشان حاسة بيكي حبيبتي انتي قمر في كل احوالك عايزة اقولك ان الجمال الحقيقي للانسان هو جمال الروح والاحساس والطيبة والاخلاق والطبيعة التلقائية خليكي واثقة اننا كلنا بنحبك انتي من اهم الاصوات المصرية والعربية كلنا بنمر بصعاب واوجاع مختلفة بس بنكمل لان الدنيا حلوها بمرها انتي ربنا اداكي نعم كتيرة وجميلة اهمها اولادك وحب الناس كملى ومستنيين علي احر من الجمر اغاني تكسر الدنيا بحبك جدا"

وكتبت ياسمين رئيس عبر حسابها علي موقع التواصل الاجتماعي "تويتر" "مرحبا بعودتك ‎@sherine ❤️‎#شيرين_عبد_الوهاب".

وكتبت آيتن عامر عبر حسابها علي موقع التواصل الاجتماعي "تويتر" "انتى حلوة زى ما انتي في اي شكل واي حال".

نشر أحمد فهمي عبر حسابه على موقع التواصل الاجتماعي «تويتر» صورة لشيرين وكتب قائلا: "‏‏قمررررررررر  ‎#شيرين_عبد_الوهاب "

سمية الخشاب كتبت عبر حسابها على موقع التواصل الاجتماعي “تويتر”: “ ‏شيرين الاحساس والابداع كلنا بنحبك وبنعشق صوتك واحساسك يلا بقي عايزين اغاني تكسر الدنيا كالعادة واللي فات مات بكره احلي واجمل وارجوكي بقي حبي نفسك وقدريها وخافي عليها ودلعيها لانها تستحق”.

كتبت مروة ناجي عبر حسابها على موقع التواصل الاجتماعي "فيس بوك":"الجمهور المفروض  لو لقى شيرين تعبانه  يساندها ويقف جنبها مش يتريق عليها دى اللى بصوتها وإحساسها فرحت كل بيت وواضح جدا انها بتمر بتجربة صعبة ،وهى دلوقتى محتاجة دعم كل الناس اللى بتحبها ونقولها بنحبك وبنمووووت فيكى يا شيرين  ،وانتى مازلتى وهتفضلى صوت مصر  ومهما حصل هتفضلى بردو شيرين عبد الوهاب".

بينما كتبت مي نور الشريف عبر حسابها على موقع التواصل الاجتماعي «انستجرام»: " أنا متعرفتش عليكي في الحقيقة بحبك كمعجبة لمغنية موهوبة شاطرة أنا بحبك جدا دلوقتي كإنسانة وبحترمك جدا ربنا يديم عليكي قلبك الحلو و يحفظهولك أصعب شئ أننا نمر بالوحش  نقدر نحافظ على نقاء قلبنا وروحنا من قسوة الحياة و أنتي نجحتي في دا ربنا يديم عليكي نعمة الرضا والنجاح وحب الناس في أنتظار أحلى الأغاني من أحلي صوت. #شرين_عبدالوهاب ".

ونشرت ريهام سعيد  صورة لـ شيرين عبد الوهاب  ، وعلقت قائلا: "انتي عملتي كده لأن عندك اكتئاب أو هو عمل كده مش فارقه لأنه كان امبارح و عدي خلاص الي وصل لي قوتك كان ممكن تلبسي باروكة انتي طلعتي غنيتي وبره مصر وقدرتي تبتسمي حتي لو مش ابتسامة حقيقية وقدرتي تغني وقدرتي تواجهي العالم كله لأنك شيرين عبد الوهاب انتي اكتر واحده عارفه مين شيرين عبد الوهاب ، عشان كده كنت دائما أدافع عنك سيدتي احييكي على قوتك الي هي كل جمالك و على فكرة شكلك برضوا زي القمر . بحبك ”

بينما نشرت منة فضالي صورة لـ شيرين عبر موقع إنستجرام، وعلقت قائلة "أنتِ جميلة في كل حالاتك الصوت الاصيل المصري الجمال المصري كلنا بنحبك أنتِ شرين عبد الوهاب ".

كما نشرت مها أحمد صورة لـ شيرين عبر حسابها بموقع “إنستجرام"، وعلقت قائلة: "إنتى جميلة في كل حالاتك، جمال قلبك محليكى أكتر وأكتر يا ست الهوانم ”

وكتب محمد علي رزق عبر صفحته الشخصية على موقع التواصل الاجتماعي "فيسبوك":" أي حد بيتريق على شيرين يبقى مريض نفسي واضح جدًا إن تجربة جوازها كانت قاسية وصعبة وكانت بتمر بضغوط تقيلة، البني أدم إللي بجد.. يدعمها ويقولها مهما عملتي إنتي شيرين إللي بنحبها وقمر فكل حالاتك.. شيرين بتستعيد ثقتها ساعدوها".

وكتبت مي كساب عبر حسابها على موقع التواصل الاجتماعي تويتر :  يا شيرين قابلينك وفاهمينك واللي مش فاهم مش مهم يفهم مش مضطرة تبرري بس ردي ع التليفون عشان وحشتيني يا بنت عاوزه أسمع صوتك وبعدين شعرك بيطول بسرعه إحنا عارفين المهم إنك ارتحتي يا أختي العزيزه.

كتبت شيماء سيف عبر حسابها على موقع التواصل الاجتماعي "انستجرام": بحبك وقمر في كل حالاتك وروحك الحلوة الي مفيش زيها ،متغبيش تاني وعايزين كل يوم اغنية عشان تعوضينا.