شيرين عبد الوهاب ترد بالصوت على التسجيل المسرب لوالد زوجها

وجهت الفنانة شيرين عبد الوهاب رسالة إلى جمهورها، طالبتهم فيها بالرفق بزوجها حسام حبيب، بعد تداول التسريب الصوتي المنسوب إلى والده، والذي تضمن ما وصف بالمؤامرة على ثروتها، وقالت شيرين إنها تلتمس العذر لجمهورها لأنه لا يعرف حقيقة شخصية زوجها.

 شيرين ظهرت في مقطع صوتي مع صورة لها بين أحضان زوجها حسام حبيب، وقالت إنها بخير ولا توجد أية مؤامرات تحاك ضدها كما روج البعض، وقالت: عايزة أطمن كل الناس اللي بتحبني، الناس الكويسين إني أنا بخير ومفيش أي نوع من أنواع الخطر عليا ولا على حياتي.
 

وتجاهلت شيرين ذكر حماها، واختتمت الجزء الأول من ردها بطلب الدعاء لها بالذرية الصالحة، ونفت مجددا وجود أي أزمات في حياتها الزوجية.

وأشارت شيرين في الجزء الثاني من ردها الصوتي على أزمة التسريب المتداول لحماها حسين حبيب إلى أن زوجها من عائلة محترمة ولها أصول رفيعة، ولا أقبل توجيه هذه الاتهامات إليه.

وأضافت عبر حسابها بموقع تويتر: حسام راجل مفيش منه، والناس اللي زيه بقوا مش موجودين في حياتنا خلاص، وبالعقل احنا بقالنا 4 سنين متجوزين ولو كان فعلا راجل عايز يستفيد مني، كان عمل ولو حتى غنوة سينجل لنفسه.

 

وألمحت شيرين لصحة ما تردد عن وجود صراعات وازمات بينها وبين زوجها ولكن في إطار الأزمات العادية بين أي زوجين، وقالت: كل الناس بتتخانق وبتختلف عادي جدا، لكن الأكيد إنه بيحبني أكثر من نفسه.

 

وتابعت: انا ربني مديني مؤشر وقلب وانا حاسة إنه بيحبني وحاسة معاه بالآمان، ولم يضرني في شيء، كفاية إنه طلع من حياتي كل الناس اللي كانت بتستغلني، وطرد كل التعابين اللي كانت في حياتي.
 

أضف تعليقا