تامر حسني يواسي محمد صلاح بهذه الكلمات المؤثرة

نشر الفنان تامر حسني صورة للاعب منتخب مصر وليفربول الإنجليزي محمد صلاح في محاولة منه لمواساته بعد إصابته بإحدى المباريات أمس، وكتب تامر تعليقاً على الصورة: «الصورة دي خير دليل على طهارة حب الطفل ونظرته لمحمد صلاح، أما عن نظرة كريستيانو فما شاء الله على الحب الصافي اللي ظاهر منه لصلاح».

الصورة التي نشرها تامر حسني

وأضاف: «اللي يركز في الصورة يحلل حاجة مهمة جدًا أن الشخص المنظور إليه من كل الأطراف هو صلاح عشان هو فعلاً محط أنظار العالم وفي ناس مش مبسوطة من الموضوع ده، وعندهم حقد غريب على الراجل ده.. دعواتكم يا جماعة ليه ولازم كلنا نكون في ضهر الراجل ده اللي مشرفنا ورافع رأسنا أكتر من الأول بكتير رغم أنف الناس الغيرانة والحاقدة اللي ظهروا لنا في المقدر جديد».

واستأنف تامر قائلاً: «اللي لسه هيطلعوا يتاجروا في قصة علاجه إن شاء الله هيلعب وهو مش محتاج حاجة من حد غير دعواتنا وهيكمل حلم حياته وحلم كل المصريين والعرب ألف سلامة عليك يا صلاح، ربنا الأقوى من الكل.. معاك يا بطل ماتخافش».

اقرئي أيضًا : هل يدعو مسلسل «أيوب» لللانتحار؟ وما علاقته بلعبة الحوت الأزرق؟

يذكر أن لاعب منتخب مصر وليفربول الإنجليزي محمد صلاح أصيب في مباراة دوري أبطال أوروبا بالأمس؛ مما تسبب في قلق الكثير من محبيه على مستوى مصر والوطن العربي.