ابنة مروة عبد المنعم بعد ارتدائها للحجاب: فخورة بأمي.. علمتني أقرأ القرآن وحببتني في ربنا

تحدثت حور ابنة الفنانة مروة عبد المنعم عن ارتدائها للحجاب، وعن الهجوم الذي تعرضت له والدتها، لعدم حجابها، حيث أشارت الابنة إلى أن والدتها السبب في ارتدائها للحجاب، وأنها فخورة بها.

وقالت حور ابنة مروة عبد المنعم، قررت ألبس الحجاب عشان أنا مسلمة وعشان ربنا، وحسيت إني عايزة أتحجب.. وليه ماما تتهاجم دي حرية شخصية.

ابنة مروة عبد المنعم

وأردفت حور: أنا عايزه أتحجب.. ماما مش عايزة تتحجب عادي وبردو أنا فخورة بماما وهي مش بتلبس حاجات مفتوحة وهي اللي ربتني، لو أنا مكنتش متربية صح مش هكون عايزة أتحجب أكيد هي اللي علمتني أصلي وأقرأ قرآن هي اللي حببتني في ربنا وبسببها أنا بقيت عايزة أتحجب، وياريت كل واحد يبقى في حاله ودي حاجه بينها وبين ربنا.

تعليق مروة عبد المنعم 

ومن جانبها، قالت مروة عبد المنعم: أنا فخورة ببنتي جدًا، وكنت فاكرة إنها هتقعد بيه يوم ولا يومين وتخلعه، لكن الحمد لله بقالها أسبوع بـ الحجاب.

وسبق، ونشرت مروة عبد المنعم، مجموعة صور جمعتها بـ ابنتها بالحجاب، عبر حسابها الشخصي بموقع التواصل الاجتماعي فيسبوك، وعلقت قائلة: فخورة بـ بنتي أيوة بنتي اتحجبت وأنا لسة.. كفاية بقى تنمر يا جماعة وكلام غريب بسمعه.. وإزاي البنت اتحجبت وماماتها لأ.. يا جماعة اللي هيحاسبني بس هو ربنا.. هو اللي عالم بالخبايا.
 

إذا أعجبكِ هذا الموضوع اقرئي أيضًا : مروة عبد المنعم تكشف تفاصيل تعرض ابنتها لحريق مرعب داخل غرفتها