ياسمين صبري عبر فيس بوك
ياسمين صبري بالحجاب داخل مسجد الشيخ زايد الكبير | فيديو
نشرت الفنانة ياسمين صبري مقطع فيديو لها عبر حسابها بموقع التواصل الإجتماعي "إنستجرام"، من داخل مسجد الشيخ زايد الكبير بإمارة أبو ظبي>
وظهرت ياسمين وهي ترتدي الحجاب، وتتجول بالمسجد، كما أنه وجهت الشكر لحكومة أبو ظبي، حيث قالت : " شكراً جزيلاً حكومة أبو ظبي ووزارة السياحة علي زيارة مسجد الشيخ زايد الكبير، زيارة تسعد العين والروح ".
النجمة ياسمين صبري
وكانت صرحت ياسمين صبري خلال لقائها ببرنامج "الحكاية" الذي يقدمه الإعلامي عمرو أديب بقناة "إم بي سي مصر" قائلة : "الواحد لازم يتغير من جواه ومن برة والإنسان اللي يفضل على حاله ده لازم نقلق عليه، وأنا أصلا بحب السفر، وبعمل حاجات لمجلات عالمية، واحتكيت بمواقف كتير وجنسيات مختلفة وأمور خلتني إنسانة مرنة أكتر، والمرونة بتخلينا نقدر نتعامل مع كل الظروف، والواحد لما يبقى نفسيًا عقله ماشي في حتة واحدة بيعاني، وبيدخل في صدامات، وبيكون أعداء وده اللي مخلي جزء من الحاجة اللي بتطورني مرونتي، وأنا بشتغل على نفسي كل يوم، ولما باجي أتغدى باكون باكل لوحدي مش بتفرج على التليفزيون، باتفرج على محاضرة في علم النفس وأنا بستمتع بده، ومش بعمله وأنا مغصوبة ولكن بروح لده، وأنا نفسي عطشانة وبطلب المزيد علشان أطور ذاتي طول الوقت".
تفاصيل حياة ياسمين صبري
وتابعت: "بشوف تعليقات هي بتصرف كل الفلوس دي ليه على اللبس، أنا مش بصرف جنيه، لما الإنسان بيكون واجهة علامات تجارية بتبقى عايزاني أمثلها، وأنا بعمل إعلان بطريقة غير مباشرة، فضل ونعمة ربنا إنه أنعم عليا بالشكل اللي خلاني أكون واجهة، وكملت عليه باللبس وبالاستايل وأنا شخصيًا بحب الجمال"، ليعقب عمرو أديب: "إطلالتك بتبهرني.. إنتي إتغيرتي وبقيتي حلوة وإنتي مشرفة بالنسبة لنا".
ولفتت: "أنا ممكن أقعد 18 ساعة تصوير علشان أطلع إعلان لمدة ثواني، إحنا بنتعب أوي في تصوير الإعلانات وأنا بحب على طول أنجز أشياء وأحقق نجاحات، والممثل والشخصية العامة ممكن يستخدم نفسه بطرق أكتر بكتير من إنه يكون بس ممثل لازم يبقى براند".
إذا أعجبكِ هذا الموضوع إقرئي أيضًا : شريف مدكور يدافع عن ياسمين صبري : سيدة جميلة وذكية
أضف تعليقا