الصورة من حساب ريم طارق على إنستجرام
طليقة حسن شاكوش: لن اعتذر لحورية فرغلي أو أتراجع عن كلامي
تحدثت السيدة ريم طارق طليقة مطرب المهرجانات حسن شاكوش عن أزمتها مع حورية فرغلي، وأكدت أنها لن تعتذر لها بعدما تم الزج باسمها في أزمتها مع طليقها.
خلاف حورية فرغلي وريم طارق
وقالت ريم طارق خلال لقائها مع الإعلامية مروة صبري ببرنامج قعدة ستات " أنا مقولتش حاجة عشان اتراجع فيها ومش هعتذر، حورية فرغلي مش زعلانة مني لأني أنا مقولتش اسمها وأني قولت حرف بس، أنا مقولتش مين الشخصية اللي بتكلم عنها عشان أتراجع عن كلامي".
وعن أزمتها مع حسن شاكوش وعلاقته بامرأة أخرى قالت "أنا محاسبش ست، الشخص ده لو مكتفي بالبنت اللي اتجوزها مش هيبص لحد، لو حاسبتها أبسط حاجة هتقولي روحي لجوزك مش هروح للغريبة أقولها ليه بتعملي كده، ولا هقعد أحارب في الناس، أنا بشوف أن الشخص لو مش محترم الشخصية اللي معاه خلاص يسيبه لحد تاني يقدره ويحترمه".
خيانة حسن شاكوش لريم طارق
الجدير بالذكر أن ريم طارق كشفت أنها تعرضت للخيانة وكان هذا سببًا من أسباب طلبها الانفصال.
وكان ذلك خلال لقائها في برنامج "90 دقيقة" مع الإعلامية بسمة وهبة قالت ريم طارق: "كنا في نهار رمضان، كان في ممثلة مشهورة عندها مشكلة صحية تالت حرف من اسمها ر راح أكل معها في شاليه بالعين السخنة، ولما رجع البيت كتبت له وصلت يا حبيبي.. وبينهم علاقة".
وأضافت ريم طارق، ": قعدت 30 يوم في شهر رمضان أشوف حاجات زي كده ومختلفة وفي وقت من الأوقات الفنانة دي حبت تسمعني صوتها كانوا مع بعض وقعدت تضحك.. حلال عليها".
إذا أعجبكِ الموضوع اقرئي أيضًا طليقة حسن شاكوش لبسمة وهبة: انتي ضحكتي عليا ولعبتي بيا في "العرافة"
أضف تعليقا