حورية فرغلي: اتجوزت 3 شهور واتطلقت وكنت هتجوز مسؤول كبير بس مات | فيديو

قالت الفنانة حورية فرغلي: "لمَّا حصلت على لقب ملكة جمال مصر تنازلت عن التاج للوصيفة نور السمري لمَّا لقيتهم قالوا إني كسبت الجائزة علشان قمت برشوة لجنة التحكيم وارتباطي بوزير".

 وأضافت خلال لقائها ببرنامج "صبايا الشمس" الذي تقدمه الإعلامية ريهام سعيد بقناة "الشمس": "لما قالوا ماشية مع ابن وزير والموضوع دخل في قصة أعراض وإني رشيت لجنة تحكيم ملكة جمال مصر قلت لأ مش عايزة الجائزة وإيه اللي يدخلني في الوَش وتشويه صورة عائلتي ليه".

ولفتت حورية فرغلي: "أنا كنت هتجوز في 2002 حد مسؤول كبير من العائلة الحاكمة في الإمارات بس مات قبل الفرح بيوم، بس قبل ما يموت لم يضِف لثروتي ولا جاب لي خيل، بس فيه هدايا كان جايبها لي لسه محتفظة بيها، وفي الحقيقة إني من وقتها لم أرتبط بأي شخص ولا دخلت في أي علاقة وما حدش أصلًا كان بيتقدم لي".

وأكدت: "أنا اتجوزت لمدة 3 شهور من ابن الإعلامي أحمد فراج واتطلقت بسبب الكلام اللي كان بيتكتب في الجرايد بسبب جائزة ملكة جمال مصر، بس احنا أصحاب جدًّا لحد دلوقتِ، أنا اتطلقت منه 2003 قبل ما أدخل التمثيل".

إذا أعجبكِ هذا الموضوع يمكنكِ الإطلاع على بعد شائعات خطوبتها على نزار الفارس.. جولة داخل منزل حورية فرغلي