روجينا: بكيت بعد حلق شعري في مسلسل "ستهم" وهذا رد فعل اشرف زكي وبناتي (فيديو)

قالت الفنانة روجينا: "مخرج مسلسل ستهم رؤوف عبد العزيز، هو اللي اقترح عليّ إني يحلقوا لي شعري على الزيرو، وأقصى مرحلة حزن بالنسبة للشخصية موت ابنها".

وأضافت روجينا خلال لقائها ببرنامج "كلمة أخيرة" الذي تقدمه الإعلامية لميس الحديدي بقناة "أون إي": “قلت للمخرج أنا شعري خفيف هحلقه إزاي؟ فقال لي لازم يبقى عندنا مصداقية وحلقوا لي بالماكنة ورشوني ”سبرتو" بعد مناقشات كتير، ووافقت في النهاية".

وتابعت: "فيه أيام كتيرة وشي كان بيورم، ويوقفوا التصوير يومين تلاتة بسبب السبرتو اللي اترش على راسي علشان يبقى لون واحد".

ولفتت: "بعد لما شعري بدأ ينبت المخرج قال لى لازم تحلقي تاني فقلت له: لأ اقسم بالله ما هاعمل تاني لإني تألمت وتعذبت أوي، ومش هقدر أعمل ده لإني مش عارفة المرحلة اللى جاية شعري هيطلع ازاي وبأي طريقة".

وأكدت: "أول مرة شوفت نفسي في المراية وأنا قرعة وحالقة شعري حزنت جدا وعيطت.. بس ده كان لوحدي في الأوضة الخاصة بيا وندمت جدا بسبب الجرأة لإن كان ممكن نحل الموضوع ده بشكل آخر".

وكشف الفنانة روجينا، رد فعل زوجها أشرف زكي نقيب المهن التمثيلية، علي حلق شعرها خلال مسلسل "ستهم"، قائلة: “لم يتفاجأ طبعا وأخدت رأيه قبل ما أحلق شعري وكنت بربط إيشارب في البيت، وبناتي قلبوها تريقة، وبقوا يقولوا ”ماما القرعة"، والصلعة وبقيت بالنسبة لهم راجل في البيت".

إذا أعجبكِ هذا الموضوع يمكنكِ الإطلاع على روجينا عن قص شعرها فى ستهم: أقسم بالله ما أعملها تاني (فيديو)