دينا: سلك كهربا وقع عليا وأنا برقص |فيديو

روت الراقصة دينا، خلال تصريحات تليفزيونية، أغرب مواقف تعرضت لها خلال رقصها، مؤكدة:"مرة وانا برقص سلك كهربا لف عليا طرت".

وتابعت: "مرة كان فيه ندى على المسرح المفتوح، وانا طالعة ارقص اتزحلقت جامدة وخدت المسرح كله زحليقة".

وأضافت: "من كتر احراجي لما بقع علي المسرح بقوم تاني حتى لو انا موجوعة، انا بتكسف أوي من الوقعة".

ولفتت: "أصعب اصابة حصلت لي تمزق في أربطة الرجل ودي كانت نتيجة اني اتنيت وانا بشتغل ودي كانت صعبة أوي، وكنت بحط الجبس ولما آجي أرقص أرش بنج واشتغل".

وتابعت: "شغلانتنا صعبة والناس بتبقى متكلة على الرقاصة، لو فرح حد وهو مرة في عمره، أنا بالنسبة لي هي ساعة شغل، إنما هو فرح العمر فلو باظت بتبقى مشكلة، فأنا لو تعبانة وحرارتي 40 بنزل واشتغل وارقص وأسعد الناس في أفراحهم".