عمرو سلامة: كنت بمشي بشنطة زي البوسطجي أوزع أفلامي.. وطارق العريان قال على شغلي إيه القرف ده

تحدث المخرج عمرو سلامة عن بدايته في الإخراج، وبجانب ذلك كواليس أول أفلامه وهو فيلم زي النهاردة بطولة آسر ياسين.

وقال عمرو سلامة في تصريحات تليفزيونية: وأنا عندي 19 سنة كنت ماشي بشنطة زي البوسطجي وأوزع أفلامي على كل الناس سواق تاكسي أو جرسون، وأقولهم دي أفلامي يمكن حد فيهم يعرف حد يوصلني بيه.

وأضاف عمرو سلامة: قابلت هاني عادل وعملت معاه أغنية اسمها أنتيكا، وروحنا بيها للمخرج طارق العريان أنها تتصور فيديو كليب، فـ طارق العريان قال أنت عايز القرف ده ينزل، ودي أحلى حاجة في طارق أنه مش بيجامل، والناس اللي شتمت شغلي هي الناس اللي عملت نبضات في شغلي.

وعن أول تجاربه في السينما وكواليس فيلم زي النهاردة، علق عمرو: جالي فيلم زي النهاردة وأنا في آخر يوم في امتحانات كلية تجارة، ومكنتش عارف أسامي الحاجات في اللوكشين، كلمت وقتها أمير رمسيس يقولي ايه أسامي الحاجات، وعملت الفيلم وأنا عندي 23 سنة.

وانتهى مؤخرًا عمرو سلامة من تصوير فيلم شماريخ، ومن المقرر عرضه قريبًا في دور العرض بالسينمات، والعمل من بطولة آسر ياسين، أمينة خليل، وعدد آخر من الفنانين، والفيلم من تأليفه وإخراجه.