لبلبة تكشف رسالة عادل امام لها بعد تكريم مهرجان القاهرة السينمائي

قالت الفنانة لبلبة: "اتعلمت مهما كنت تعبانة إن الجمهور ملهوش ذنب لازم أطلع وأسعده وده اللي اتعلمته وأنا عندي 6 سنين من أمي".

وأضافت خلال مداخلة هاتفية ببرنامج "يحدث في مصر" الذي يقدمه الإعلامي شريف عامر بقناة "إم بي سي مصر": "لما ابتديت مشواري الفني مكنش فيه تليفزيون وسافرت مع عبد الحليم حافظ وفنانين كتير كل البلاد".

وتابعت: "أنا عاشقة للفن ومفيش حاجة أبعد عن الفن أو أتناساه وبفرح لما أسعد الناس وأشوف فيلم ليَّ بيتعرض، وأفتكر وأنا صغيرة إنهم كانوا عايزين يجوزوني علشان يبعدوني عن الفن بس أنا قلت مفيش حاجة أبدًا ممكن تبعدني عن عشقي".

وأكملت: "الزعيم عادل إمام بعتلي رسالة جميلة بيهنيني بالتكريم وبيثني عليَّ، ودائمًا باخد بنصيحته، وهو غالي عليَّ وبعتبر أسرته أسرتي وأولاده ولادي وزوجته اعتبرها أختي، وأنا مليش زوج ولا ابن علشان كدا أسرة عادل إمام عائلتي".