رضوى الشربيني: ضربت رجل عاكسني بشكل مبالغ.. وأنا عدوة التصرفات الخاطئة تجاه الفتيات

قالت الإعلامية رضوي الشربيني، إنها قامت بضرب رجل من قبل، بسبب معاكسته لها بشكل مبالغ فيه.

وأضافت رضوي الشربيني، خلال لقائها في برنامج Insider بالعربي: خايفة أقول الكلام ده.. لكن تعرضت لموقف فريد في حياتي، وقررت ضرب رجل عشان عاكسني معاكسة زيادة عن الطبيعي.

ووجهت الشربيني؛ نصيحة للراجل، مردفة: عايزة أقولهم من فضلك افهموني صح.. أنا مش عدوتك لكن عدوة تصرفاتك الخاطئة تجاه البنات والستات.. كُن رحيمًا بالست وبالبنت اللي موجودة في بيتك، ولا تكون راجل عندك المسؤولية وتحترمها يا بلاش من أولها.

فى وقت سابق، حصلت رضوى الشربيني على جائزة النُقاد من مهرجان الفضائيات العربية في دورته الثالثة عشر، حيث قالت أثناء إلقاء كلمتها عقب استلامها الجائزة على خشبة المسرح: بشكر القائمين على مهرجان الفضائيات العربية وفي الدورة الـ 13 التي تحمل اسم الفنان الراحل هشام سليم، وسعيدة بجائزة ودي نتيجة استفتاء الجمهور.

وتابعت رضوى الشربني: كل واحد فينا بيعمل حاجة لحد بيحبه بيبقى مستني منه كلمة شكرًا، فـ دي كلمة شكرًا بتاعت الجمهور أو اللي بسميهم الأهل اللي حبوني من غير ما يعرفوني وأنا حبيبتهم من غير ما أشوفهم، وأنا عمري ما كنت هبقى هنا لولا وجود باب وفريق عمل قوي وأهل وصحاب وأخ وبنات وأخيرًا أعداء.

أضف تعليقا
المزيد من مشاهير العرب