رامي جمال يكشف سبب دعمه لـ"المطرب النقاش": موهوب بدرجة كبيرة |فيديو

كشف المطرب رامي جمال عبر حسابه الشخصي على موقع التواصل الاجتماعي "فيس بوك" كواليس مقابلته للشاب أحمد سالم والشهير بـ"المطرب النقاش".

ونشر رامي جمال فيديو قال فيه: "أحمد فنان بدرجة مشوفتهاش في حياتي، ربنا كاتبله قبول والناس بتحبه وبتدعمه، في ناس فرحانة وبتقولي شكرا أنك بتساعد أحمد، أنا مش بساعد أحمد أنا بساعد نفسي كفنان وملحن ومطرب أن الوسط الفني لما يكون في صوت زي أحمد بيرتقي بالوسط الفني كله ودا أحنا محتاجينه".

وأضاف: "وإني أساعد أحمد في مشواره الفني دي حاجة بسيطة وبساعد أحمد لما شوفت الفيديو قبل ما يطلع تريند لأن مش شخصيتي أعمل الحاجة علشان التريند، وبطمن كل الموهوبين أن لو ليك الفرصة ربنا هيكرمك زي أحمد بعد سنة ونص الفيديو انتشر".

وتابع: "ربنا أراد أنه يتشاف وزي ما ربنا وقفني جنب أحمد هيوقفلكوا ناس وبشكر كل الناس اللي كلمتني وشركات الإنتاج اللي عوزين يقفوا معايا في مشروع أحمد".  

وكان المطرب رامي جمال، أبدى إعجابه الشديد بصوت عامل نقاشة كان يغني أثناء عمله بدهان شقة، وقام الفنان بمشاركة مقطع فيديو للعامل وهو يغني، وذلك عبر صفحته الرسمية بموقع التواصل الاجتماعي فيسبوك وانستجرام.

وعلق المطرب رامي جمال عبر صفحته بـ"فيس بوك"، على مقطع الفيديو الخاص بعامل النقاشة والذي يغني من خلاله قائلا: أنا عاوز حد يوصلني بالراجل الجميل الجدع ده أبو صوت مسمعتوش من زمان ضروري ضروري.