رد فعل كوميدي من سينتيا خليفة بعد مقلب رامز موفي ستار

انهيار وبكاء وصراخ هذه هي حالة الممثلة سينتيا خليفة خلال حلقة رامز موفي ستار الذي يقدمها رامز جلال بالتعاون مع الممثل فاندام على mbc مصر.

وبدأ رامز كلامه عن سينتيا قائلا "من أسمى أهداف برنامجنا هو تجميع الحبايب وتحقيق الوحدة العربية، كل فنان بييجي لنا هنا بيبقى رافع علم بلده وشايل اسمها".

وتابع  "ضيفتنا النهاردة تمثل شجر الأرز.. أحدث منتجات لبنان"، مضيفًا "حلوة ومطرقعة.. قطة صغيرة انطلقت علينا في الحقل الفني، نمرة مفترسة ملقتش اللي يروضها لحد دلوقتي".

اضاف "إنك تسيطر عليها ده شيء مش سهل ومحتاج تخطيط ومجهود".

تابع "تبدو تافهة لكن عميقة، تبان لك ساذجة لكن حويطة، ذكية جدا ومش عبيطة، عاملة ننوسة وهي ملبوسة".

ختم "النهاردة هعملها هزار وهعالجها بالحديد والنار، وهرفع درجة الرعب لحالة الانصهار.. معانا ومعاكم فاتنة صخرة الروشة، اللي عملالنا قلق ودوشة سينتيا خليفة"