احمد فلوكس يفتح النار على محمد نجاتي .. بطل سواد ونفسنة

شن الفنان احمد فلوكس هجوما حادا علي الفنان محمد نجاتي بعد ظهوره مؤخرا في حلقتين من برنامجي " ورا الشمس" و "كلام الناس" وحديثه عن فلوكس وبعض الكواليس الخاصة بأحد المسلسلات التي جمعتهما معاً .

وقال فلوكس عبر تدوينة كتبها بحسابه الشخصي بموقع التواصل الاجتماعي فيس بوك : " يعني افتح التلفزيون الاقي نفس الممثل المنفسن بيجيب في سيرتي و ماشي ياكل عيش بيا في برنامج تاني  .. يابني مش مكسوف .. ده حتي المسلسل ده المنتج جالي قالي تعالي اشتغل لان مكنش عارف يبيعوا و انت كنت اقدم و اكبر اسم فيه و اختلف مع عزمي و جالي بعد شهر تصوير علشان انقذه و لاني بحبوا وافقت لانوا صاحب فضل عليا و مضيت و باع بعديها ".

واضاف : "يابني بطل سواد ده انت ربنا خفس بيك سابع ارض .. شوف لما نفسنت و طلع سوادك علي هاني سلامه هو فين و انت فين .... و بعديها نفسنت علي احمد زاهر لغاية ما فيفي عبده جريت وراك بالشبشب في المسرح ... اتقي الله ... حتي مسلسلي لما مت جريت علشان تشتغل فيه علي اساس انك هاتنجح زي و علشان انت اسود ولا كانك اساسا كنت فيه".

وتابع "  يابني اتقي رينا .. مش كفايه ان حتي في منطقتك اللي هي منطقت الرجاله مسمينيك السيس ... يابني ابعد عني علشان هازعلك ... كل عيش بعيد عني بدل ما هاخلي سوادك علامتك المميزه ... عموما انا عاملك عذر ان سيرتي في حياتك اكتر من الاعمال اللي عملتها فا هاتتكلم علي ايه يا عيني ".