كشف مصطفى فهمي شقيق الفنانة جالا فهمي عن وصية شقيقته الأخيرة، خلال مداخلة هاتفية له ضمن برنامج "كلام الناس"، الذي تقدمه الإعلامية ياسمين عز عبر شاشة " MBC مصر".
وقال فهمي عن وصية شقيقته الأخيرة: "جالا شقيقتي كانت بتحب الناس جدا وكانت عايزة الناس تدعيلها وتفتكرها، ووصتنا على بعض وإننا نفتكرها بالخير وجمهورها يفضل فاكرها".
وعن أيامها الأخير قال فهمي: "كان بيجيلها عروض لحد السنة اللي فاتت بس هي اللي مكنتش عايزة، جالها كذا عرض لمسلسل وفيلم وهي مكنتش عايزه، مش عشان حاجة، هي مبسوطة باللي هي فيه وخلاص".
وعن حالتها الصحية قبل الوفاة أوضح مصطفى فهمي: "حصلها نفس اللي حصل لبابا بالظبط، فكرة أن الشخص يتعب بسرعة جدا ويتوفى بسرعة جدًا ودي رحمة من ربنا، وهي مكانتش مريضة نفسيًا".
وتم دفن جثمان الفنانة الراحلة جالا فهمي في مقابر العائلة في الإمام الشافعي وذلك بعد انتهاء صلاة الجنازة عليها في مسجد مصطفى محمود في منطقة المهندسين، بحضور زوجها الأول الموسيقار عمر خيرت، ووزيرة الثقافة المصرية إيناس عبد الدايم والفنانة ميرفت أمين ورافقتها النجمة دنيا سمير غانم.
أضف تعليقا