كارولين عزمي تتعرض للتحرش: بيقولي تعالي ورايا

كشفت الفنانة كارولين عزمي من خلال موقعها الرسمي على موقع تبادل الصور الانستجرام عن تعرضها للتحرش من قبل أحد الأشخاص وهي تقود سيارتها وثقت كارولين عزمي تعرضها للتحرش بنشر مقطع فيديو للواقعة وعلقت عليه "مساء الخير، أنا اللي يعرفني أو متابعني عارف إني شخص مالوش في المشاكل ولا عمري شاركت مشكلة تخصني سوشيال ميديا" وتابعت كارولين عزمي "باختصار النهاردة كنت في عربيتي وجنبي عربية فيها واحد كسر عليا، كل اللي عملتوا إني بصتله وبصيت قدامي فلقيته بيكرر نفس الحركة تاني بإستظراف، روحت طلعت الموبايل وعملت نفسي بصور عشان أخوفه وأخليه يبطل يضايقني" وأضافت "اتفاجأت وهو بيقولي بتصوريني يا بنت ... ساعتها اتخضيت وبدأت أصور بجد وإنتوا هتشوفوا في الفيديو الحركات اللي بإيده والشتايم، وبدأ يقولي تعالي ورايا والحقيقة إني مش عارفة أروح واره فين أو كان عايز يعمل إيه ولانى اتوترت وخوفت ساعتها مقدرش أصور ١واحد في المية من اللي عمله الشخص ده".
واختتمت كارولين عزمي "أنا اتشمت واتهانت واتشمت بأهلى بأقذر الشتايم النهارده من حد معرفوش ولا عملتله حاجة ولا فتحت بوقي لمجرد إنه شخص مريض، أكيد الشخص ده أذى بنات كتير لأنه تقريبا متعود على الحركات دي ومتعود يخوفهم ومش همه حتى إنه يتصور ويتفضح، أنا عايزة حقي يرجعلي".

من ناحية أخرى تنتظر كارولين عزمي عرض الجزء الثالث من مسلسل "أبو العروسة" من بطولة سيد رجب وسوسن بدر ووفاء صادق، نور محمود، هدير عبد الناصر.

 

أضف تعليقا