رانيا يوسف: عايزة راجل يقبل رجوعي البيت الساعة 5 الفجر

صرحت الفنانة رانيا يوسف خلال لقائها مع الإعلامية إنجي أنور في برنامج "مصر جديدة" المذاع عبر قناة ETC أنها ترفض فكرة الزواج مجددا بعد ثلاث زيجات سابقة، وترى أن مفهوم الزواج في المجتمعات العربية غير صحيح وقالت:" الجواز ملوش لازمة بالنسبالي حاليا، وأنا شايفة إن مفهوم الجواز عند الناس مش صحيح بالذات في المجتمعات العربية. بيتجوزوا عشان يخلفوا، أو لإن حرية إنهم يدخلوا علاقات مفتوحة مش موجودة وده طبيعي في المجتمعات العربية." وأضافت: "مفاهيم الجواز عندنا مبنية على مصالح شخصية أو عائلات تناسب بعض، لكن مفهوم زوجين في بينهم رحمة ومودة ومفيش مصالح غير يبقوا سعداء ويعملوا بيت ويربوا عيال قليل جدا."
وعن عملها تابعت: "أنا بالنسبالي شغلي رقم 1 وبيطغى على حياتي، معنديش وقت زي الستات الطبيعية، ومش كل الرجالة هتفهم مواعيد تصويري وإني برجع الساعة 4 الصبح و5 الصبح، وممكن أفضل في الأستوديو 3 أيام من غير ما أرجع البيت، هل في راجل يفهم ده ويقدره، ويحترم شغلي ومواعيدي؟ ممكن ميبقاش عندي وقت كتير له، بس لما هكون مع واحد بحبه هيبقى في كواليتي تايم."
تحدثت رانيا يوسف عن رأيها في مشاهد القبلات في السينما، وموقفها من الزواج، ولقب فنانة إغراء، وأهمية الحرية بالنسبة لها في أسلوب تربية بناتها وقالت رانيا يوسف إن عصر المنصات المفتوحة أتاح للمشاهد كل أنواع الأعمال، وهي قدمت بالفعل عددا من الأدوار الجريئة ومفيش عندها خطوط حمراء في التمثيل لإنها فنانة محترفة.