ردت غادة والي زوجة الفنان المصري حسن أبو الروس على أنباء انفصالها عن زوجها، بطريقة غير مباشرة، من خلال منشور على أحد حساباتها في مواقع التواصل الاجتماعي.
الوالي نفت الأخبار التي انتشرت عن أن ظهور أبو الروس بشكل مستمر مع الفنانة دينا الشربيني في مهرجان "الجونة" بدورته الخامسة تسبب في أزمة بينها وبين زوجها، من خلال منشور شرحت فيه عن نجاحات زوجها ومشاركته في العديد من المهرجانات ومنها عالمية.
_1.jpg)
غادة نشرت مجموعة صور لحسن وعلقت: "حسن ما بدأش السنة دي حسن بقالوا 15 سنة بيمثل، وبيعمل ورش وشارك فى مهرجانات عالمية زي افينيون في فرنسا".
وتابعت غادة: "حسن بياخد كل فرصة أنه يسعد اللي حواليه، أهله وصحابه، دار مسنين، أطفال، ملاجئ أو حتى ناس قابلها مرة في حياته فى الشارع، ودي رسالته الحقيقية، ونشر البهجة".
وأضافت: "حسن من صغره معروف بلبسه المختلف ومش خايف يبقى نفسه لدرجة ان صحابه في الشغل القديم عملوله تورتة على شكل قميص مشجر، فيه فنانين كتير عالمية ومصريين حسن متأثر بيهم، عندهم ذوق مختلف زي مايكل جاكسون، برونو مارس، الأستاذ سمير غانم وفؤاد المهندس، أحمد زكي، شكوكو، وغيرهم .وبرغم من المحتوى الكوميدي والمزيكا الديسكو، شعبي، اللي بيقدمه حسن بيشتغل ليل نهار 15 سنة علشان يوصل لحلمه، حسن اشتغل بذكاء لترويج آخر أعماله مع الفنانة دينا الشربيني، زي اي دويتو اتنين فنانين عملوه، وده جزء من الحملة مع شركة الدعاية، كل اللى قابل حسن وعرفه معرفة شخصية يعرف قد ايه هو جدع وصاحب موقف، ومتأخرش فى مساعدة أي حد يلجأ له، وده اللى خلا صحابه يقفوا يلبسوا أحمر في فرحه".
_2.jpg)
واختتمت زوجة أبو الروس: "وبرغم الحملات المقصودة ضده فشغله لسه تريند ومفيش حاجة هتوقف نجاحه لأن عزيمته أكبر بكتير، والناس اللي مش حابة أعماله ممكن تلغي متابعته بكل بساطة واحترام، ياريتكوا زي حسن في شجاعته انه يبقى نفسه الحقيقية من غير ما يقلد اللي حواليه، ويمشي ورا الدارج، وفي معافرته انه يوصل لحلمه بمجهوده بدون أي واسطة أو معرفة في المجال، كلنا في ضهرك وبنحبك يا أنضف قلب وألذ شيكالستك في مصر، مبروك يا أبو علي".
أضف تعليقا