سلاف فواخرجي تعاتب والدها الراحل وتوجه هذه الرسالة له

وجهت الممثلة سلاف فواخرجي عتابا الى والدها الراحل واشتكت لروحه اشتياقها وعدم تقبلها لغيابه، مؤكدة على حاجتها له كطفلة صغيرة.

وكتبت سلاف على انستغرام" شو يعني أدخل البيت وما شوفك.. شو يعني دور عليك وما إتبارك بوشك.. شو يعني ما أوعى الصبح عـ اسمي من تمك.. شو يعني يبقى الصدى ويغيب صوتك.. شو يعني أنت مالك هون بس مّللي الدنيا عطرك.. وشو يعني يمرق وقت وما تكون وقتي وأحمل همك..".

وتابعت:" وشو يعني بطل إعمل صبي حلاق وأحلق لك.. شو يعني ساعتك عـ جنب ومانها بـ إيدك.. شو يعني كتابك مسكر وباردة مكتبتك.. قميصك المكوي بـ زيادة وبيجامتك وتفاصيلك.. الزيتونة كانت ناطرة أول مطرة.. انجرح المطر بـ روحتك ونشفت.. العنب بطّل حلو ومنه الدمع أحمر.. والصبار زاد شوكه قهر وأسى بعدك..".

واختتمت سلاف منشورها قائلة:" والياسمينة دبلت على غيابك مش مصدقة وبعدها عـ الباب ناطرتك.. يا بابا.. كنت ضل شوي.. اشتقت شمك.. لو عشت العمر عمرين.. بحاجتك وبيبقى بكير.. وما شبعت منك..".

أضف تعليقا