نداء شرارة بأعنف ردّ على متابع نعتها بـ "العانس"

ردّت الفنانة الأردنية نداء شرارة على متابع نعتها بالعانس من خلال تعليق وضعه لها على بوست شاركته عبر صفحتها في "فيسبوك".

وفي التفاصيل، شاركت نداء صورة لها أرفقتها بتعليق "لسه في الأيام أمل مستنيينه طول ما في الأيام في ناس عايشين عشانها لسه للأحلام بقية مكملينها طول ما في احساس قلوبنا مصدقينه".

ومن ثم تفاجأت نداء من تلقيها تعليقًا من أحد متابعينها قال فيه "لا تستني شكلك رح تعنسي"، ردّت اليوم عليه منذ قليل من خلال حسابها على "انستغرام" من خلال منشور مطول كتبت فيه "معلش استوقفني تعليق هاد الشخص وبالعادة اي شي بيستوقفني بحب ارد عليه .. واحتراما لشخصك علما انك لا تستحق بس ما خليت اسمك يبين .. انا بس عندي تعقيب ع مصطلح عانس مين اللي اخترع هاد المصطلح .. انا بعد سنه رح اصير ٣٠ سنه يعني هل انا رح اصير معنسة..؟".

 

لسه في الأيام أمل مستنيينه طول ما في الأيام في ناس عايشين عشانها لسه للأحلام بقية مكملينها طول ما في احساس قلوبنا مصدقينه 🤍

Posted by ‎Nedaa Sharara - نداء شرارة‎ on Tuesday, July 27, 2021

وتابعت "هو ما ضَل شي تضغطوا في ع المرأة فصرتوا تنعتوها بكملة عانس وياريت على عمر ٣٠، هلأ بالعشرينات وبسألوكي ليش لسا مَش متجوزه وكإنو في مشكله فيكي يعني وفي بنات بتدخل بحالة اكتئاب كل ما سمعت انو في وحدة من صاحباتها تجوزت لانو اللي حواليها ضاغطينها!!".

وأضافت "الناس اللي بتفكر بهالطريقه انتم والجهل وجهان لعملة واحدة، لأ وبضحكوني بس يقعدوا يقولوا لاي وحدة متى رح نفرح فيكي، خلص كبرتي ، وقلت فرصك ، اقبلي بأي شي هلأ ، لحقي خلفيلك ولدين قبل ال ٤٠ او في اهالي ماشيين على مبدأ خلينا نجوزهم صغار من باب انو كبرت وقادرة تفتح بيت خلص ومش قادرين ع مصاريف البنات فبنجوزهم صغار ...!!! وبالآخر بيسألوا ليش في حالات طلاق معبيه الدنيا !!؟ على فكره انا بقبل اضل مَش متجوزة طول حياتي ولا اخد واحد شبهك وزيك .. البنت بكل المراحل بتضلها قمر وسكر ومنورة".

كما أوضحت نداء في منشورها أن من لا يأتي نصيبها بالزواج لا يمكن نعتها بالعانس وقالت "واللي ما بجيها نصيبها مَش عانس هيك رب العالمين كاتب كل تأخيرة وفيها خيرة وفِي نماذج كثيرة بالعالم لسيدات ناجحة ومستقلة و مَش متزوجين مين قلك الست ناقصة اذا ما تزوجت".

وتابعت "هاد نصيب مكتوب من عند رب العالمين، بكفي تضغطوا ع بناتكم عشان خايفين من هالمصطلح ومن حكي الناس حبوهم واسندوهم وغطوهم برموش عيونكم ، يعني واذا صارت ٣٠ وتصير بأي عمر كمان خلي العسل بجرارة حتى تغلى اسعاره ولما ربنا يريد ..الله يكتب لكل بنت بساعة هالفجر الفرح والراحة والسعاده وبيت مليان حب وسعادة دائمة اهم من زواج مليان كره و مرار وقلة تقدير ومشاكل ووجع راس لاولادهم بس لانها اضطرت تتجوز عشان خايفه تكبر وتروح فرصتها".

أضف تعليقا