رغم مرضه بالسرطان وحالته السيئة.. زكي فطين عبد الوهاب يتعرض للسرقة في الشارع "اتلموا عليا وسرقوني"

 

روى الفنان زكي فطين عبد الوهاب، قصة تعرضه لعملية سرقة في الشارع اليوم الأحد.

وكتب فطين، عبر حسابه على موقع "فيسبوك": "النهاردة.. تعرضت لعملية سرقة في الشارع حوالي الساعة 3.. كنت رايح أشحن كارت عداد الكهرباء وكنت تعبان، فقررت أخد تاكسي للبيت عشان مكنتش قادر أمشي".

وتابع: "قبل ما أوقف التاكسي، كنت شايل الحاجات في كيس بلاستيك والحاجة وقعت على الأرض واتلموا عليا تلاتة أو أربعة أشخاص.. واحد منهم قالي ماتوطيش يا فنان إحنا هنجيبها وبدأوا في لم الحاجات".

وأوضح: "رجعت البيت أبص في الكيس ملقتش المحفظة، ولقيت الكيس مفتوح من الجنب بموس أو كاتر.. عملية سرقة في منتهى الذكاء.. الحمد لله الورق كان في جيب القميص أخدوا المحفظة بالفلوس وبس".

جدير بالذكر أن آخر أعمال زكي فطين عبد الوهاب مسلسل "كوفيد 25" بطولة يوسف الشريف، وعرض في شهر رمضان الماضي.

 

 

 

 

النهارده انا اتعرضت لعملية سرقه فى الشارع حوالى الساعة ٣ .. روحت اشحن كارت عداد الكهربا... وكنت تعبان فقررت اخد تاكسى...

Posted by Zaki Abdelwahab on Sunday, July 25, 2021

 

أضف تعليقا