هاني شاكر عن محمد رمضان: "مجرد ظاهرة غنائية ستتلاشى مع الوقت"

هاجم الفنان هاني شاكر نقيب المهن الموسيقية في مصر، الفنان محمد رمضان بسبب إطلالته على المسرح في حفلاته الغنائية، لا سيما عندما يظهر عاري الصدر، معتبرً أن رمضان مجرد ظاهرة غنائية ستتلاشى مع الوقت.  

حديث شاكر جاء خلال مقابلة تلفزيونية مع برنامج «"شربل يستقبل"، المذاع على قناة "CNN عربية"، حيث وقال إن رمضان لا يملك صوتًا ولا موهبة الغناء، ويعتبره مجرد ظاهرة ستتلاشى مع الوقت، تابع حديثه: "الحفلات فى مصر لينا تقاليد وعادات غير أوروبا وأمريكا، واللى ينفع هناك ممكن مينفعش هنا، ومحمد قد يكون حب يعمل شيء مختلف وجديد، وهو مش مطرب أساسا وعايز يعمل شو وشكل مختلف، ولكن قد يكون الشكل المختلف ده غير مقبول فى مصر".  

وعن إطلالات رمضان تابع قائلًا: "أنا بشوف إنه حتة إنى أطلع نصى الفوقانى عريان على المسرح دى تقريبا إحنا أول مرة نشوفها من محمد رمضان، وبرضه اللى بيطلعوا ومش بيعتمدوا على صوتهم وأغانيهم، ولكن بيعتمدوا على رقصهم وملابسهم دى فترة ومش بتستمر، وأنا ضد ده بصراحة".  

وتوقف هاني أمام ظاهرة لجوء نجوم الغناء للملابس الغريبة والمثيرة وقال: "إن هناك بعض الفنانين الذين يظهرون على المسرح ويغنون ولكنهم لا يعتمدون على أصواتهم وأغانيهم، وإنما على الرقص والملابس المثيرة".  

وأضاف: "أول ما جيت النقابة كانت واخداني الجلالة وعملت بيان قولت فيه إننا عايزين نطور الفن، وقولنا إن الفنانات المصريات والعرب يلتزموا شوية في الملابس اللي بيظهروا بيها على المسرح، ولكن ساعتها مخلصناش وقالوا إننا بنتحكم في لبس الفنانات، ودخلوا الموضوع في كلام فارغ أو سخيف".  

 وتطرق هاني في حديثه إلى أغاني المهرجانات، مشيرًا إلى أن موقفه لم يتغير: "لا أنا ولا مجلس إدارة النقابة بنعترف بحاجة اسمها المهرجانات، والنوع ده موجود عشان يقولوا أي كلام خارج، لكن الجانب الموسيقي من غير كلام، مفيهوش لا عيب ولا حرام، ودي نوعية من الأغاني، والأصوات اللي دخلت النقابة ونجحت قعدنا معاهم، وطالبناهم بالاهتمام بالمزيكا اللي بتتقدم، واهتمام بالرقي".  

ووجه هاني شاكر رسالة إلى نجوم الغناء بصفته نقيب الموسيقيين المصريين قائلًا: "كن حريصًا على تقديم الفن الراقي والجيد لأن هذا هو ما يعيش مع الجمهور، إضافة إلى الحفاظ على نفسك وجمهورك، والفنان في النهاية ملك جمهوره، ويجب عليك أن تراعي ربنا في الفن الذي تقدمه، يعني أنا ممكن أنجح وأنا طالع شبه مش لابس، وسهل قوي أطلع أعمل رقص غريب وملفت عشان أعمل تريند على السوشيال ميديا."