شكران مرتجى تفتح النار على مدراء الانتاج وزملائها الفنانيين

شنت الفنانة شكران مرتجى عبر صفحتها على ا لفيسبوك حربا على الوسط الفني وزملاءها الفنانين حيث كتبت "بدي قول شغلة بتعني كتار بالوسط الفني إلها علاقة بأصول المهنة وإلها علاقة بالأصول بشكل عام وهي ملاحظة عامة للأسف وكأنها صارت تقليد مثلا؛بينحكى مع ممثل أو ممثله على دور وفجأة الممثل والممثلة بيلاقو زميل آخر عم يلعب الدور بدون إحم ولا دستور المشكلة بمين مو مهم برأيي المشكلة مشكلة أخلاق فقط لاغير
الإعتذار مابيصغر حدا بالعكس تماماً بيرفع الشخص
ببساطة أيها الزملاء أعرفوا إذا الدور كان لغيركم أحكوا معه أفهموا شو صار بتفيدوا وبتستفيدوا .....بترفع زميلك بيجي مين يرفعك ....وكلها تليفون أومسج أو واتس أو حمام زاجل ياسيدي ....واللي فيه مسلة بتنخزه من هاد البوست عم أحكي بإسم كتار من زملائي وحتى بإسمي ... ممكن ياترى ممثل تتفقوامعه ومايجي ع التصوير مابتنقام الدنية ع راسه ؟؟؟؟؟؟؟
هاد البوست إلى مدراء الإنتاج والقيمين على العمل الفني ي ي ي الأكابر
"طبعاً نجومنا الكبار أغلبهم بيحكوا مع بعض"
مرتجى أكملت انتقادها في اليوم الثاني وكان موجهاً لمدراء الانتاج وكتبت "اليوم بدي أحكي عن ظاهرة أخرى... بيحكي معك مدير إنتاج لعمل ما كرمال شغل وبتتفقوا ع كل شي الدور الأجر وأهم شي المواعيد والتنسيق وفجأة فص ملح وداب بيختفي هو والعمل ومابيتصل متل ماكان هالكك بالتليفون كل ربع ساعه .....ليش ؟؟؟طيب ياسيدي واتس مسج فايبر حمام زاجل معليش لاتخجل بتصير وبتتأجل الأعمال أو ممكن في حسابات تانيه مو مشكلة بس اعتذر لانه ع فكره ممكن إنت تمر بنفس القصة ويصير العمل ومايخبروك وفجأة تدرى إنه مدير إنتاج تاني عم يشتغله بتصير ياصديقي ياكتير
الإعتذار ثقافة وحضارة"
وفي أحد الصفحات المعنية بالدراما كتب أحد المعلقين سؤالاً موجهاً للفنانة مرتجى "هل أتصلت بزميلتك الفنانة ليلى سمور عندما حللتي مكانها بشحصية أم بدر في باب الحارة؟

أضف تعليقا