حملة من النجوم لدعم محمد سامي وهاشتاغ تضامني معه

إدوارد شارك عبر حسابه على "انستغرام" صورة له برفقة محمد سامي أرفقها بتعليق: "ادعم المخرج محمد سامي ضد حملة التشويه اللي بيقوم بها بعض الزملاء، وعلشان كدة بقول شهادة حق في المخرج محمد سامي .. أنا اشتغلت معاه واتعاملت في الشغل معاه، راجل بيحب شغله جدا وبيتعب كتير واتعامل معايا بكل احترام وحب، وبيحب الممثل جدا وبيطلع أحسن ما عنده، وعلشان محدش يقول علشان انا بشتغل معاه، الناس كلها عارفة إني بشتغل معاه ومع غيره ومش مستني شغل من حد الحمدلله، أنا تاريخي في السينما والدراما كبير وبشتغل مع ناس كتير، دي شهادة حق بس ولازم اقولها".

أحمد فهمي من جهته، شارك ستوري عبر حسابه على "انستغرام" يؤكد فيها رفضه لحالة الشماتة التي أبداها البعض بعد إعلان القرار، مؤكدًا على النجاحات التي حققها الأخير.

محمد مهران دافع عن سامي قائلًا : "الراجل ده مكناش صحاب شافني مره في المسرح في 2015، وقالي إننا هنشتغل مع بعض، ومشفتوش بعدها غير سنه 2020، لما اشتغلت معاه في مسلسل البرنس ومن بعدها بقينا نشتغل مع بعض، مشوفتش منه حاجة وحشة خالص، ومالوش معايا أي مصلحة شخصية وكان داعم ليا و لموهبتي بشكل كبير، وأي ممثل بيكون هدفه إنه يشتغل مع مخرج شاطر ومآمن بيه، ومظنش لما هتشوف c.v المخرج ده مش هتقدر تقول غير إنه مخرج مهم وشاطر وبيطلع من الممثل أفضل ماعنده".

وكان محمد سامي قد شارك في الموسم الرمضاني الماضي بمسلسل نسل الأغراب، والذي قام ببطولته أحمد السقا وأمير كرارة ومي عمر وإدوارد ودياب ومجموعة كبيرة من النجوم، وهو من تأليف وإخراج محمد سامي، وإنتاج شركة سينرجي