إعلامية مصرية شهيرة تظهر من دون شعر على رأسها معلنة إصابته بالسرطان

فاجأت الإعلامية لينا شاكر متابعيها بنشر مجموعة صور لها من جلسة تصوير خضعت لها، بدت فيها من دون شعر على رأسها.  

 

 

ومن خلال الصور أعلنت شاكر إصابتها بمرض السرطان وإنها خضعت لجلسات العلاج الكيميائي ما أدى إلى تساقط شعرها.  

 

 

لينا شاكر هي إعلامية ومذيعة التلفزيون، ومقدّمة أشهر برامج المنوعات منها "اسهر معانا" و"افطر معانا"، حيث تحدذت في منشور طويل عن تفاصيل الإصابة ورحلتها مع المرض قائلةً: "أنا عشت مع أمي الله يرحمها تجربة الكانسر بكل حذافيرها وتفاصيلها من يوم ما شخصت ليوم وفاتها كانوا ١١ سنة ونصف، كمية الألم اللي عشته معاها في التجربة دي مرعب وكانت دعوتي لربنا أنه يخفف عنها ويقدرني إني أسعدها، وأكيد كنت بفكر مع نفسي ليه كل ده؟!".  

 

وأضافت: "قبل وفاتها بيومين وإحنا في المستشفى لقيتني بكتب كلام وكأني بكتب نعيها، المهم إن في اللحظة دي شوفت حكمة ربنا بالنسبة ليا في كل اللي عدى وحمدته وشكرته لأني حسيت إن دي كانت أحلى حاجة أنا عملتها في حياتي، وكأن ربنا اداني وقت أحبها أكتر وأدلعها وأكون لها بنت كويسة وأكون جنبها في كل لحظة، زي ما كانت طول عمرها شيلانا عشان هي حقيقي كانت ملاك وأحن وأطيب ست في الدنيا".  

 

 

واختتمت لينا بالقول: "الدكتور اللي عملها الكشف أول مرة زعقلي وقالي دي بتموت أنتوا جهلة!!! بس هي ما ماتتش وقتها وعاشت الحمدلله والدكاترة بعد كده قالولي دي عملت record وأنها كانت بالكتير تعيش خمس سنين وده ما حصلش وأتوفت بعدها بـ11 سنة ونصف، ربنا قادر على كل شيء مهما كان عندنا علم هو له وقت وقدرة أكيد مش عندنا إحنا كبشر بعدها بقيت بقول كتير أنا مش ماسكة في الدنيا ومستعدة أمشي في أي لحظة لأني ما بقتش فرحانة بحاجة خلاص، قوم يجي لصديقي الأنتيم كانسر، طبعا واحدة زيي عندها الخبرة الطويلة دي حقيقي اتصدمت أما عرفت بس زي ما واجهت كل لحظة مع أمي بقوة هو كمان واجه الفترة بتاعة العملية والكيماوي بقوة وربنا يديم عليه الشفا والصحة". 

أضف تعليقا
المزيد من مشاهير العرب