أول تعليق من محمد الشرنوبي على حبس سارة الطباخ

علق الفنان محمد الشرنوبي على حكم حبس المنتجة سارة الطباخ لمدة عامين مع الشغل وكفالة 2000 جنيه، لاتهامها بتبديد مبالغ مالية له بموجب توكيل رسمي، وخيانة الأمانة.


وقال محمد شرنوبي عبر صفحته الرسمية على موقع التواصل الاجتماعي "فيس بوك":"الحمدلله الحق ظهر، تم صدور حكم في الجنحة رقم 1626 لسنة 2020 جنح الشيخ زايد بحبس الممثله القانونية لشركة إدارة أعمالي السابقة سنتين لتبديد المبالغ المالية التي في ذمتها بموجب التوكيل الرسمي وخيانة الأمانة. أظن الصورة وضحت، أنا كنت ساكت ومكانش نفسي الأمور توصل لكده وكنت مقرر أنني مش هتكلم تاني في الإعلام بس لقيت اصرار من الطرف الاخر أنه يقحم الإعلام ويشوه صورتي قدام الناس، بس لو في حد واخد حق حد فا القانون والمحكمة قالت كلمتها، الشركه كان صادر ليها توكيل بموجب العقد اللي بيننا لإدارة أعمالي وبالتالي كانت بتتعاقد وتستلم كل مستحقاتي اللي هو الطبيعي انها تستلم وتاخد نسبتها وتوردلي الباقي وده مكانش بيحصل". 

 

 

 

واضاف "محمد الشرنوبي": "الممثلة القانونيه للشركة خانت الأمانة وبددت كل أموالي اللي في زمتها وآخر صلح سلمت الشركة توكيل على أساس اننا هنفتح صفحة جديدة وتعهدت انها هتسددلي كل فلوسي اللي في زمتها وده مثبت في محضر الصلح في غرفة صناعة السينما وبالفعل نفذت المسلسل و  برضه مخدتش فلوسي.  لكل شركات الإنتاج برجاء عدم التعامل مع اي جهه أو شخص غير من خلالي شخصيا وعدم الالتفات لاي تحذير أو إنذارات تصدر من الشركة لان ببساطة الهدف الوحيد هو تعطيل شغلي وتشويه صورتي والحصول على مبالغ مادية بدون وجه حق".

أضف تعليقا