اكرم حسني : رفضت التمثيل مع عادل امام وفضلت احمد فهمي 

قال الفنان أكرم حسني: "إن برنامج أبو حفيظة وش الخير عليه، وكان سعيدًا بردود الأفعال الإيجابية عليه، وكنت هخاف لو فضلت محبوس جوا الشخصية، وبرنامج الكابوس محققش النجاح المرجو منه ولكن المنتجين السبب، وأفتكر أن فيه بنت كانت شغالة معانا ماكييرة في روسيا واتطلقت بسبب ارتباطها بالشغل معانا".

وكشف "حسني" خلال لقائه ببرنامج "السيرة" الذي تقدمه الإعلامية وفاء الكيلاني بقناة "دي إم سي" سبب رفضه مسلسل "عفاريت عدلي إمام" مع الفنان عادل إمام.

وأوضح: "حلم أي ممثل أنه يقف قدام عادل إمام ولكن التركيبة بتاعت بهجت وسلطان في ريح المدام كانت عجباني بسبب الكيميا مع أحمد فهمي وكنت شايف أن ده اللى هينجحني أكتر، وقلت لرامي إمام أنا تحت أمر الزعيم ولكن أنا مرتبط بمسلسل آخر شايف نفسي فيه أكتر".
 
ولفت: "ولادي نقطة ضعفي، ولما ياسين ابني أو روبة بيتعبوا ببقى عامل زي العيل، بقول إن ربنا خلقنا بمشاعر وعاطفة وما أقدرش أمنعها إنها تحب أو أفرض عليها حاجة، وأنا وأولادي صحاب وهما بيحترموا الثقة اللي بينا".

واستطرد: "بقول لمراتي إني هفضل لحد آخر يوم في عمري أحبك وعمري ما هبخل عليكِ بأي شيء، وبقول لأولادي اوعوا تتكلموا عن حد وابعدوا عن النميمة وما تحكموش على حد ويسمعوا كل الآراء ويعطوا مساحة للاختلاف".

ولفت إلى أن ياسين ابنه قريب في شخصيته وشكله من طباع والدته ولكنه خفيف الظل مثله.
 
 

 

 

أضف تعليقا