هجوم عنيف على شريف رمزي وزوجته لإخفائهما ابنهما عن الجمهور؟

تعرض الممثل والمنتج شريف رمزي وزوجته الممثلة ريهام أيمن لموجة من الانتقادات على إنستجرام بعد نشر صور احتفالهما بعيد ميلاد رمزي في ليلة رأس السنة مع أصدقائهما في منزلهما بالقاهرة، حيث حرص الزوجان على إخفاء وجه ابنهما الوحيد "رمزي"، 6 أشهر، في جميع الصور حيث يظهر شعره فقط في الصور بينهما ينظر خلف والدته وهو ما جعل الجمهور لا يستطيع رؤية وجهه منذ ولادته وحتى الآن.

وعلقت أيمن على هجوم الجمهور عليها وعلى زوجها بسبب عدم إظهارهما لوجه ابنهما برسالة وجهتها إلى جمهورهما على صفحتها الرسمية بإنستجرام قالت فيها: "وأنا بطلب أشوف ولاد أي حد فيكو أو ولاد أي مشاهير حتى؟ أكيد لأ عشان مش من حقي، لما تحب فنان أنت بتحبه هو لفنه وأعماله اللي بتشوفها ولما تحب تشوف صور هتبقى ليه هو مش لولاده أنا ابني مش فنان ولا مشهور عشان تحبو تشوفو صور ليه على صفحتي أنا. لما يكبرو هو ياخد قرار إنه عايز يبقي مشهور هتشوفو صور ليه على صفحته الشخصية إن شاء الله، لكن أنا مبخفش من الحسد ومفيش حد هيحسد فنان بيحبه بالعكس هيفرحله، ويتمناله الخير هو وولاده وده اللي أنا متأكدة منه، ياريت وأنت بتكتب تعليق لأي فنان حط نفسك مكانه الأول هتلاقي إن أنت نفسك متقبلش حد يقولك تعمل إيه ومتعملش إيه في حياتك الشخصية بمعنى أدق الغير فنية وإن ده الأكاونت بتاعك أنت تنزل اللي أنت عاوزه طالما مش بتضر حد واللي مش عجبه حاجة أو مستفز من شيء بسيط بس يعمل unfollow أسهل من إنه يكتب تعليق، ربنا يخليلكو ولادكو اللي أكيد كلهم حلوين أوي ويحفظهم لكم دايماً من كل شر ويشفي كل الأطفال المرضى ويعين أهاليهم أمين يا رب....مع حبي واحترامي للجميع".