غادة عبد الرازق تدخل في نوبة بكاء بسبب الأدوية النفسية

دخلت النجمة غادة عبد الرازق في نوبة بكاء بمجرد وصولها إلى استوديو برنامج "معكم منى الشاذلي" متأثرة باستقبال الجمهور الحار لها.

ووضحت غادة عبد الرازق سبب بكائها قائلة "لما بحس إن الناس بتحبني أوي ده بيأثر فيا".

آخر أعمال غادة عبد الرازق

تطرقت غادة للحديث عن مسلسلها الأخير حدث بالفعل، وجاوبت على سؤال هل كانت مدركة لاندماجها التام في الدور الذي لعبته في مسلسل "حدث بالفعل"، قالت غادة عبد الرازق: "أثناء التمثيل مش باخد بالي، الناس حواليا بياخدوا بالهم إني فصلت وبقيت حد تاني غير غادة".

وكشفت غادة عبد الرازق أن الحلقة الثالثة من حكاية "تحت الحزام" التي قامت ببطولتها في المسلسل حلقة إضافية بقولها: "هما كانوا حلقتين، ولما قعدت مع المؤلف لقيت في حاجات كتير لازم تتوضح، عن خلفية الشخصية وزوجها راح فين، وإيه قصة ابنها، فوافقت أعمل 3 حلقات مع إني كنت اتفقت على حلقتين".

أوضحت غادة عبد الرازق أن الدور جذبها بسبب مرورها بتجارب صعبة مع الأطباء النفسيين قائلة: "اللي حببني في الموضوع إن عليا دكتورة نفسية المفروض تعالج الناس، لكن هي مريضة نفسيا".

أزمة غادة عبد الرازق النفسية

وأضافت: "من فترة ذهبت لطبيب نفسي شهير جدًا، عشان كان عندي مشكلة.. أول ما دخلت العيادة لقيت الدكتور قاعد بيلف بالكرسي طول ما هو بيسألني وأنا أجاوبه، وفي الآخر قلت له، إيه رأيك يا دكتور، لقيته كتب لى روشتة أدوية كتير، وقالى خدى الأدوية دي لمدة أسبوعين وبعدين تعالى.. وأنا خارجة من عنده لقيته قاعد بردو بيلف بالكرسي.. ده عصبني جدا.. طلعت قلت للممرضة نصيحة مني لازم تبلغي عنه الشرطة.. ده محتاج دكتور".

واعترفت غادة عبد الرازق بأنها واجهت مشكلة بسبب الأدوية النفسية قائلة: "أخذت أدوية واتنكست، والساعة 2 بالليل كنت هعمل جريمة قتل في نفسي، وبقيت غير متزنة وبترعش، وطلبوا الدكتور الأساسي اللي بيعالجني".

إذا أعجبك الموضوع اقرأ أيضا غادة عبد الرازق تعتذر لابنتها روتانا: آسفة إني قصرت في حقك