صفية العمري: نازك السلحدار لم تضيف لي.. تمن البرنيطة في "ليالي الحلمية" بسعر حلقة

أعلنت الفنانة صفية العمري خلالها لقائها مع الإعلامية بوسي شلبي  عن كواليس تصوير مسلسل "ليالي الحلمية" ودورها المميز "نازك السلحدار"

أوضحت صفية العمرى عن مدي التشابه بينها وبين الشخصية قائلة نازك السلحدار دي شخصيتي أنا، يعني أنا طول عمري كده من وأنا صغيرة ودي شخصيتي، نازك ماضفتش ليا حاجة، بالعكس أنا اللي ضفت ليها من روحي ومن شخصيتي أنا.

أعلنت الفنانة صفية العمرى عن الفرق بين النجوم حاليا وفي الماضي قائلة "في بداياتي حتى مفكرتش وقتها مين اللي هيلبسنا زي ما موجود النهاردة الفنان بيدخل معاه 7 وراه مبيجبش حتى المنديل من بيته إحنا مكناش بناخد فلوس خالص يعني مبالغ ضئيلة جدًا وكنا بنصرف على مظهرنا"

تابعت صفية العمري كلامها قائلة يعني لبس مسلسل هوانم جاردن سيتي كله وليالي الحلمية أنا جبته على حسابي، تمن البرنيطة بس بسعر حلقة، مكناش بنفكر هنقبض كام لأنه كان الفن بالنسبة لنا هو الحياة.

أعلنت صفية عن اقتراح من أجل النجوم قائلة إحنا الفنانيين اللي أعمالنا بتتذاع كل يوم المفروض يبقى لينا عائد والحقوق بتاعتنا ناخدها لكن محدش مهتم، العالم كله بيدفع للفنان، المنتجين مش هتدفع من جيوبها، لكن القنوات هي اللي مستفيدة لكن الفنان مش مستفيد بحاجة، للأسف النهاردة فيه فنانيين كتير مرضى، هل ينفع إن الدولة هي اللي تعالج الفنان.